también en castellano

Izquierda Asturiana (IAS) pide al Gobiernu asturianu
que solicite la concesión d'un dominiu propiu .ast
p'Asturies n'Internet

El portavoz d'IAS, Ignaciu Llope, afirma que la
concesión a Cataluña del dominiu .cat abre la puerta a
esta concesión y que'l gobiernu Gallegu tamién solicitó'l dominiu propiu

Tres l'anuncia per parte del organismu internacional ICANN, que regula los dominios d'Internet, de l'autorización de la puesta en marcha del nuevu 'dominiu cat', qu'agospiará a los sitios de la rede dedicaos a la llingua y la cultura catalanes, Izquierda Asturiana (IAS) solicitó al Gobiernu Asturianu qu'entame les xestiones y busque sofitos d'empreses y otres instituciones pa pidir el dominiu propiu asturianu .ast, igual que fixo'l Gobiernu gallegu col dominiu .gal.

Sigún Llope "Nos últimos años demostróse qu'existe una demanda d'un dominiu asturianu ya que cientos d'empreses ya instituciones asturianes rexistraron en dominiu .as, que nun ye un dominiu propiu asturianu -sinón que pertenez a les isles Samoa Americanes- pero que los internautes ya adoptaron provisionalmente énte la falta de dominiu propiu como'l dominiu que identifica a Asturies nel ciberespaciu".

Pal portavoz d'IAS, "lo que nun principiu nun yera otro qu'una ocurrencia, algamó ya carta de naturaleza dende'l momentu nel que grandes empreses como Telecable, o instituciones como l'Ayuntamientu d'Uviéu, usen, ente munchos otros, el dominiu .as, colo que se demuestra qu'existe una necesidá d'identificación de lo asturiano nel ciberespaciu".

Poro pa Llope, "aprovechando la puerta abierta que dexa'l dominiu l'aprobación del dominiu .cat el Gobiernu asturianu habría potenciar la nuestra cultura y la nuestra llingua y los nuestros productos promoviendo la concesión d'un dominiu propiu oficial asturianu qu'allugue a Asturies nel mundu con identidá propio, lo qu'en sin duda reportaría múltiples beneficios".

Sigún Llope "el dominiu asturianu valdría p'asitiar nel mundu d'Internet y nun mercáu incipiente los nuestros productos, especialmente los basaos na marca d'identidá cultural asturiana, para da-yos una presencia individualizada nel mundu y p'afalar la presencia de la llingua asturiana n'Internet".

El portavoz de la formación d'izquierda asturianista comentó p'acabar que "desde IAS vamos contactar en próximes selmanes con diversos colectivos, asociaciones ya instituciones p'amosar el nuestru apoyu incondicional a la creación d'una entidá independiente que , igual qu'asocedió con ésitu en Cataluña, potencie'l dominiu .ast".