también en castellano
IAS
nel Primeru de Mayu
Izquierda Asturiana (IAS) y
Mocedá d’Izquierda Asturiana (MIAS)
asistieron a la manifestación con motivu
del Primeru de Mayu convocada
por CGT, CSI
y SUATEA a la 1 la tarde n’El
Umedal (Xixón). Un añu más
sigue siendo necesario salir a la cai pa reinvidicar
más y meyores oportunidaes llaborales nesti
país tan castigáu anguaño
tanto pol fundimientu industrial
y la incapacidá xestora de la crisis de
los diferentes gobiernos a lo llargo de les lexislatures
yá fuere dende les alministraciones estatal
o asturiana como pola cada vez más patente
buelga del neolliberalismu que resta derechos
y dignidá a mui bien de puestos
de trabayu y xornales, un sistema económicu,
políticu y social cada vuelta más
toleráu poles instituciones que rixen el
destín del nuesu país.
Especialmente molíes pol drama de la emigración
forzada de los mozos y les moces d’Asturies,
IAS y MIAS caleyaron peles cais de Xixón
llevando una pancarta na que podía lleese
“Cola ‘izquierda plural’
emigramos igual” en referencia
directa a la yá extrema falta de compromisu
del gobiernu actual con esti fondu problema social
qu’actualmente sigue entrando en miles de
llares asturianos. Lemes como “Asturies
sálvase lluchando” repitiéronse
al pasu de la marcha urbana, durante la que tamién
pudo notase la gran preocupación esistente
nos sectores de la izquierda asturiana énte
la más que próxima reforma
llaboral qu’anguaño ta amagostándose
ente sindicatos mayoritarios, gobiernu y patronal.
Mocedá d’Izquierda Asturiana aprovechó
la ocasión pa esparder bona parte de la
tirada (500 de les 2000 copies asoleyaes) del
so cartafueyu d’edición mensual “Na
cai”, yá nel so númberu
ocho y onde se tocaben temes d’actualidá
política. En xunto dambes dos organizaciones
llevaron a la xente que participó na manifestación
un pequeñu resume del so análisis
sobre la situación llaboral n’Asturies
en forma de pasquinos.
más: [pasquín
de la manifestación] (IAS)
más: [Na
Cai nº8] (MIAS)
|
