también en castellano

Izquierda Asturiana (IAS) acusa al Conceyu de Siero de mentir a los ciudadanos pa inhibise y dar de pasu la llinia Soto-Penagos

La formación d’esquierda asturianista califica les declaraciones de la edil d’urbanismu de cúmulu de mentires

Izquierda Asturiana (IAS) formación que lleva años denuciando la llinia d’Alta Tensión de Soto Ribera a Penagos al pasu per dellos conceyos asturianos y que fixere diverses aiciones en contra de la mesma en Piloña y Nava, al igual que sendes denuncies ente la UE que s’afayen en fase d’investigación, señala que les declaraciones recién de Marta Pulgar, conceyala d’IU y responsable d’Urbanismu en Siero nun son a entendese más que dende una gran ignorancia y incompetencia pal cargu o pelo contrario tán al serviciu d’una operación de cortina de fumu pa engañar arrémente a la opinión pública y los vecinos del conceyu.”Nun se pue dicir allegremente, como fixo Marta Pulgar, que REE (el promotor de la llinia) nun precisa de llicencia nenguna, porque ye de sobra conocío dende va tiempu que la figura d’Utilidá Pública del proyectu Soto-Penagos ta anulada por sentencia del Tribunal Supremu”. Esta carencia d’utilidá pública reconozla’l propiu Ministerio d’Industria na resolución que remitió, ente otros, al propiu Conceyu de Siero a data 28-7-2006 pa la tramitación de delles variantes, ente les que figuren les qu’afecten al conceyu.

Per otru llau Izquierda Asturiana (IAS) recuerda que nun ye presentable y menos dende una responsable del area d’urbanismu que se diga que “l’Alministración local carece de cualquier tipo de capacidad de decisión al respective”, cuando ye de dominiu público que la llinia ta parada precisamente pola oposición de conceyos como’l de Penagos, en Cantabria, que caltién dende va años una rotunda oposición a la mesma o, na propia Asturies, el de Piloña.

Dende Izquierda Asturiana (IAS) camiéntase que con estes declaraciones quier “echar balones fuera” y entainar a REE la puesta en marcha definitiva del proyectu nun conceyu como Siero onde hai una mui activa oposición a la llinia dende lo primero, llavando les manes al estilu de Poncio Pilatos. Según IAS “Marta Pulgar trabaya con estes declaraciones pal Gobiernu asturianu del que’l so partíu fai parte, que ye’l verdaderu interesáu en que la llinia se faiga”. Pa esta formación, el modelu enerxéticu del Gobiernu que preside Álvarez Areces ye un lacayu de REE y d’intereses económicos especulativos que se traducen nos múltiples proyectos de ciclos combinaos, llinies d’Alta Tensión y más contaminación a costa de pasar per riba de quien faiga falta. Per último, Izquierda Asturiana anima los afectaos y vecinos de Siero a siguir cola mesma firmeza na so oposición a esti atropiellu, frente a l’actitú submisa de los sos reponsables municipales. “Quien nun ta capacitada o nun quier representar nin defender a los sos vecinos habría dimitir” concluyeron.