también en castellano

Izquierda Asturiana (IAS) da por rotas las conversaciones electorales con Los Verdes

La formación d'izquierda asturianista denuncia'l doble discursu d'IU que diz poner condiciones "irrenunciables" pa formar gobiernu col PSOE en 2007 a tiempu qu'ufre a Los Verdes puestos y cargos nel gobiernu

La Dirección Nacional d’Izquierda Asturiana, aconceyada n’Uviéu el vienres 10 de payares, trató nel so orde del día el procesu de conversaciones con Andecha Astur y Los Verdes d’Asturies empobinaes a algamar un alcuerdu electoral pa les elecciones autonómiques y municipales de mayu de 2007. Depués del informe preceptivu de la comisión negociadora y el debate posterior, aprobó por unanimidá facer esta declaración:

• Izquierda Asturiana (IAS) da por rotes les conversaciones con Los Verdes d’Asturies (LVA), yá qu’esti partíu ta negociando a un tiempu un alcuerdu electoral con IU-BA, alcuerdu nel que lo que se ta negociando son los puestos qu’IU va ufrir nel nuevu gobiernu de coalición col PSOE que tien pensao formar depués de les elecciones de 2007. Neses condiciones, Izquierda Asturiana (IAS) entiende que nun ye creible tar negociando la construcción d’un polu alternativu a les polítiques del actual gobiernu y al mesmu tiempu negociar la participación, anque seya les migayes, nesi mesmu gobiernu.
• Izquierda Asturiana (IAS) sorraya otra vuelta la hipocresía de la dirección d’Izquierda Unida (IU), yá qu’esta formación vuelve a falar, como va cuatro años, de condiciones irrenunciables pa reeditar la coalición col PSOE, y al mesmu tiempu negocia con otres fuercies vendiendo cargos nel futuru gobiernu del Principáu, rescamplando asina la so voluntá rial de volver a formar parte del mesmu independientemente de les condiciones del mesmu.

D’otru llau, la Dirección Nacional d’IAS quier perafitase na so postura pa les elecciones de 2007, sorrayando la necesidá d’una candidatura unitaria de la esquierda verde y asturianista que trascienda les llendes de les organizaciones polítiques que la conformen. El VII Alcuentru Nacional d’Izquierda Asturiana, a celebrar esti mesmu mes, va ser el foru onde la militancia del nuestru partíu tome la decisión definitiva sobre les elecciones.