también en castellano

IN MEMORIAM

Montejo, el to exemplu ye la nuestra llucha

El pasáu mes d'avientu llegómos la noticia murnia de la muerte de José Francisco Montejo, alcalde del conceyu de Penagos, en Cantabria nes últimes 4 lexislatures. Montejo foi ún de los principales opositores a la llinia eléctrica qu'amenaza con afogar bona parte del territoriu de munchos conceyos asturianos.

Dende que Izquierda Asturiana entamó cola campaña escontra de la llinia, quixo y supo aidamos y aconseyamos nun asuntu nel qu'elli representaba la voluntá incorruptible, la defensa incansable y al mesmu tiempu la serenidá frente a presiones y oscures amenaces polítiques y personales. La pasada primavera, Montejo tuvo nuna mesa redonda en Piloña onde s'aldericó d'esti tema y onde s'asitió a mancomún con Izquierda Asturiana y la Coordinadora Ecoloxista d'Asturies fente a los argumentos de PP y PSOE.

Dende IAS queremos face-y con estes palabre un pequeñu homenaxe a una persona que representó en política los valores nos que creemos y polos que lluchamos. Valga de sentíu pésame a la so muyer y a tola so familia, asina como a los sos compañeros d'Unión por Penagos.