también en castellano

Izquierda Asturiana (IAS) muestra'l so apoyu a los estudiantes y docentes de la Universidá Llaboral

Pablo Rodríguez Alonso califica de “chantaxe” les declaraciones de José Luís Iglesias Riopedre y alerta del “grave precedente” que supón la cesión d'instalaciones públiques a una empresa privada

Izquierda Asturiana (IAS) quier mostrar el so apoyu a les reivindicaciones de los alumnos de los ciclos formativos de la Universidá Llaboral y al so personal docente, frente a la pretensión del gobiernu asturianu de ceder les instalaciones deportives a la empresa ThyssenKrupp pa un centru d'I+D+i, y califica les recientes declaraciones del conseyeru d'Educación como “de auténticu chantaxe”.

El portavoz d'Izquierda Asturiana en Xixón, Pablo Rodríguez Alonso, señaló que “la cesión del gobiernu asturiano d'unes instalaciones públiques a una empresa privada suponen, en primer llugar, refrendar la supremacía de los intereses particulares y privaos sobre los públicos y educativos, y en segundu llugar una midida que perxudica a estudiantes y docentes, que tendríen que desplazase d'un llugar que por derechu han esfrutar”.

Pal portavoz d'Izquierda Asturiana esta midida “de consumase supón un seriu y grave precedente que tien d'alertarnos sobre les verdaderes intenciones d'un gobiernu que nun ye a tomar una midida razonable y que cada decisión que toma ye contestada, con razón, por colectivos ciudadanos”.

Pablo Rodríguez acusó al conseyeru d'Educación, José Luis Iglesias Riopedre, de facer “un auténtico chantaxe coles persones que s'oponen a esta decisión”, ya que va poco espresó que'l centru de la Thyssen “podría perdese” poles protestes. Pa Rodríguez Alonso “eses declaraciones son inalmisibles, busquen coartar les lexítimes protestes ciudadanes y chantaxear a los estudiantes y profesores”. “Si al final el centru I+D+i nun s'instala n'Asturies, nun va ser por culpa de los ciudadanos, sinón d'un gobiernu incapaz de buscar un allugamientu pa esti centru que nun lesione los derechos de los alumnos y profesores de la Universidá Llaboral”.

P'acabar Rodríguez Alonso calificó l'actitud d'IU nesti conflictu “como otro llaváu de cara de los socios de gobiernu del PSOE, que vuelven a xugar con un doble llinguaxe d'oposición y gobiernu, una situación que non por repetida dexa de ser delirante dafecho”, y quixo recorda-yos que “son corresponsables de toes y cada una de las decisiones d'un gobiernu nel qu'ellos participen activamente”.