Yo tengo un tíu del PSOE. Sí, ya sé que nun ye un principiu románticu nin queda tan guapo como aquello de "Yo tenía una finca n'África" y paez más bien un títulu de canción pa grupu de rock radical, pero toi seguru que debe ser una cosa bien normal nesti tiempu y país que mos toca vivir. Y la verdá ye que me presta falar con elli de vez en cuando porque siempre me regala un resume lapidariu y humanu en poques palabres de les grandes campañes propagandístiques que mos lleguen a toos pela tele y los periódicos. Estos telegrames verbales son muncho más reales que los rollos pseudoprogresistes d'El País o Canal Plus o les declaraciones de les vaques sagraes del APARATU.

Ya va pa 6 años, con ocasión del trunfu del PP nes elecciones autonómiques asturianes, oyínse de les boques de los que tuvieren xingando de magar los destinos d'Asturies voces qu'anunciaben la catástrofe. Una catástrofe que-yos diba llegar a los asturianos por nun facer casu y apostar pola "pinza" envede volver confiar nellos otros cuatro años. Claro que col nivel de competencies del gobiernu asturianu, quedaben poques coses pa catastrofiar y asina entamaren falar del fracasu de les polítiques de subvenciones (el comederu) y tamién -novedá- del "mediu ambiente". Cola estimable collaboración de los medios afines "La Voz de Asturias", "Tele-Areces", etc., anuncióse un gran desatre ecolóxicu, Y díxome mio tíu: "gano'l PP y acabóse hasta'l mediu ambiente". Como si hasta esa los sucesivos gobiernos socialistes s'enfotaren cosa en tal asuntu.
Agora, gracies a que los asturianos recuperaron el sentíu común volviendo al redil PSOE vemos como l'ecoloxismu vuelve a empobinar l'acción política del gobiernín. A saber: