Carta unviada a les organizaciones del actu unitariu del 8 setiembre 2013

Pela presente la Dirección Nacional d’Izquierda Asturiana agradez el convite que se nos fai pa participar nun actu políticu unitariu de cara al 8 de setiembre.

Valorando’l significáu de la fecha y en consonancia coles llinies d’actuación aprobaes el pasáu mes de mayu nesti sen, nun vemos oportuno la celebración de nengún tipu d’actu de reivindicación política vinculáu a esa fecha. Cuidamos que por munchu significáu identitariu, nacional o combativu que-y podamos dar, el 8 de setiembre ye una fecha sobradamente marcada por un componente reaccionariu y patrimonializáu polos poderes establecíos.

Asina, desestimamos dafechu la posibilidá de participar n’actos de nenguna clase pa esi día.

Sicasí, reiteramos a los compañeros de les organizaciones involucraes la nuesa disposición abierta pa trabayar en cualisquier tipu de procesos unitarios que tengan como componente la defensa de la clase trabayadora y la identidá nacional, magar que nesta ocasión nos paeza contraproducente esti actu concretu, poles razones diches enantes.

Un saludu candial.
D.N. d’Izquierda Asturiana (IAS)

Los comentarios están cerrados.