MANIFIESTU D’IZQUIERDA ASTURIANA (IAS) NEL ANIVERSARIU DE LA REVOLUCIÓN DE 1934

Un añu más, y con esti van 79, cúmplese l’aniversariu del asaltu a los cielos que protagonizó la clase obrera asturiana n’ochobre de 1934. La cabera revolución d’occidente, qu’amosó que la clase trabayadora xunta y baxo un oxetivu común yera quien a baltar toles estructures del vieyu orde. La insurrección defensiva, qu’amosó que yera posible encarar el faxismu que campaba per tol continente énte una esquierda impotente o desnortiada. La rebelión plural, qu’amosó que yera posible la unidá dende la diversidá baxo un programa y una estratexa compartida.

Pesie a les tonelaes de papel que s’escribieron sobre los acontecimientos d’ochobre, tovía queden una montonera de temes pa investigar sobre aquellos díis. Izquierda Asturiana (IAS) ye una organización política, y nun-y compete facer el llabor historiográficu, sinón afitar una posición política sobre la base del análisis de la situación que-y tocó vivir a los nuestros güelos y la que mos toca vivir güei a nós.

Siguir Lleendo

cuadonga, 8 setiembre y nación asturiana

covadonga

Otru añu más, entama’l cursu politicu, que normalmente fáise al traviés de dos feches: la fiesta minera del SOMA en Rodiezmo y el 8 setiembre, Día d’Asturies. Esti añu, la gran novedá ye la suspensión del actu mineru cola sida del coste económicu, anque too paez indicar que nun ye ayeno a que la figura del Gran Somarca, José Ángel Fernández Villa, yá nun va tar presente. Aforraremos asina la sucesión de tópicos, impostures y mázcares d’esi sector de la UGT y del PSOE que sigue aneciando en presentase como socialista al traviés de la escenificación d’un discursu pa nada coincidente cola so práctica dende va más de trenta años.

Pero la otra cita obligada, la del 8 setiembre, sigue igual. Un añu más, un actu oficial, teñíu de relixosidá. Un añu más, actos alternativos, intentando ser la otra cara del espeyu.

Siguir Lleendo

Carta unviada a les organizaciones del actu unitariu del 8 setiembre 2013

Pela presente la Dirección Nacional d’Izquierda Asturiana agradez el convite que se nos fai pa participar nun actu políticu unitariu de cara al 8 de setiembre.

Valorando’l significáu de la fecha y en consonancia coles llinies d’actuación aprobaes el pasáu mes de mayu nesti sen, nun vemos oportuno la celebración de nengún tipu d’actu de reivindicación política vinculáu a esa fecha. Cuidamos que por munchu significáu identitariu, nacional o combativu que-y podamos dar, el 8 de setiembre ye una fecha sobradamente marcada por un componente reaccionariu y patrimonializáu polos poderes establecíos.

Siguir Lleendo