Izquierda
Asturiana (IAS) de Corvera critica les declaraciones de Solares
sobre les restricciones en materia de cultura municipal
La organización d’esquierda asturianista llama al
bon xacíu y a la responsabilidá al edil del Partíu
Popular, y solicita que Corvera nun pierda los elementos y les
dotaciones culturales que fixenon que fore señera nesti
ámbitu a lo llargo d’estos últimos años
L’agrupación
comarcal d’Izquierda Asturiana (IAS) n’Avilés
y la so redolada, quier facer pública la so molición
énte les inalmisibles declaraciones del conceyal de cultura,
Luis Solares (PP), nes que se planteaba la posibilidá de
recortar dotaciones pa la cultura municipal y la eliminación
del programa de fuelgu mozo alternativo “Ensin Llaves”
ente otres midíes.
Énte
esti fechu, IAS quier solliñar estos aspectos:
1. El choque
ente administraciones de diferente signo nun ha ser xida p’amenazar
al pueblu de Corvera con restricciones en materia cultural.
2. IAS-Corvera
interpreta como cíniques les declaraciones de Solares en
cuantes a que ye sabío que les actividaes nes qu’anuncia
recortes, nun son precisamente les que conlleven un costu económicu
importante, quedando d’esta miente, totalmente fuera de
llugar.
3. Los corveranos
y les corveranes somos los que, finalmente, vamos salir perxudicaos
de la xestión irresponsable y de les excuses ridícules
a les que nestos cuasi 8 meses de mandatu ta avezándonos
el gobiernu d’USPC y PP.
4. El recule
de la cultura asturiana y del usu del asturiano na vida institucional
del conceyu.
Por too ello,
Izquierda Asturiana:
a. Llama al
bon xacíu al edil popular y al equipu de gobiernu a la
hora de facer declaraciones amenazantes que namás perxudiquen
a la ciudadanía.
b. Esixe’l
caltenimientu de les actuaciones qu’en cultura se veníen
desenvolviendo per aciu de la Fundación de Cultura y el
bon facer d’Adolfo Camilo Díaz, asina como’l
réxime d’ayudes y subvenciones a entidaes culturales
de Corvera.
Izquierda Asturiana-Avilés.
Estaya de Comunicación
Les Vegues (Corvera) a 5 de febreru de 2004
|
