PROCEDIMIENTU PA VOTAR PER CORRÉU

Nel casu que’l 14 de marzu vayas tar fuera de la to localidá, opta por votar per corréu. VE GÜEI MESMO A CUALQUIER OFICINA DE CORREOS pa solicitar el votu per corréu. Tienes tiempu hasta’l 4 de marzu, pero, contra primero, meyor.

Los electores que cuenten conque na data de la votación nun van atopase nel llugar onde-yos correspuende exercer el so derechu de votu, o que nun podian personase, puen emitir el so votu per corréu, previa solicitú a la Delegación Provincial de la Oficina del Censu Electoral, de la siguiente forma:

Ente’l 20 de xineru y el 4 de marzu, l’elector solicita personalmente, per mediu de les oficines de correos, un certificáu d’inscripción nel Censu electoral. El funcionariu de correos encargáu de recibila esixirá al interesáu la exhibición del so documentu nacional d’identidá y comprobará la firma (nun s’almitirá fotocopia).

En casu d’amalecimientu o incapacidá que torgue la formulación personal de la solicitú, de la que de la so existencia habrá acreditase per mediu de certificación médica oficial y gratuita, aquella podrá efectuase en nome del elector por otra persona autorizada notarial o consularmente per aciu d’escritura pública que s’extenderá individualmente en rellación con cada elector, y ensin que na mesma podia incluyise a dellos electores, nin una mesma persona representar a más d’un elector.

Ente’l 23 de febreru y el 7 de marzu la oficina del Censu comprueba la inscripción, extiende’l certificáu y realiza una anotación pa tal que l’elector nun podia votar na Mesa el dia de les votaciones. La oficina del censu remite-y:

• Papeletes colos sobres electorales
• Certificáu d’inscripción nel Censu
• Sobre cola dirección de la Mesa onde ha de votar.
• Colos anteriores documentos axúntase una fueya explicativa.


Primero del 11 de marzu, l’elector ha de remitir el sobre de votación y el certificáu censal per corréu certificao. Nel so momentu, el serviciu de correos fai llegar estos votos al colexu electoral y estos votos van introducise de que remate la votación.


VOTU DE RESIDENTES NEL ESTRANXERU (CERA)

La Oficina del Censu Electoral remite d’oficiu a tolos electores residentes nel estranxeru la documentación necesario pa que podian votar per corréu:

• Certificáu d’inscripción en Censu
• Papeletes y sobres de votación
• Sobre nel qu’ha de figurar la dirección de la Xunta Electoral Provincial.
• Fueya explicativa
• Resguardu pa reintegru de gastos del votu per corréu

L’unviu d’esta documentación faise ente’l 17 y el 23 de febreru. Ye imprescindible, si qu’así dir a la embaxada o oficina consular pa interesase pol tema.

Estos electores puen emitir el so votu entregando’l sobre de votación na Oficina Consular que correspuenda na so ciudá de residencia primero del 8 de marzu o bien unvialu per corréu certificáu primero del 14 de marzu. Exercerán el so derechu de votu acordies col mesmu procedimientu previstu pal votu per correspondencia de los residentes n’España.
Habrán d’unviar el sobre empobináu a la Xunta Electoral correspondiente, per corréu certificao y non más tarde del día anterior al de la elección. Pa la validez del votu de los electores inscritos nel Censu Especial de Residentes Ausentes (CERA) en toa clas d’elecciones, será requisitu inexcusable que nel sobre empobináu a la Mesa s’incluya’l certificáu d’inscripción nel mentáu Censu, remitíu a cada elector pola Oficina del Censu Electoral.

Será indispensable pa la validez d’estos votos que conste claramente nel sobre amentáu un matasellos o otra inscripción oficial d’una Oficina de Correos del Estáu en cuestión, que certifique’l cumplimientu d’esti requisitu temporal.