ias.as afalate a visitar: Pola absolución de Vitor Xosé

Ediciones vieyes d'IAS.AS

Campaña Suatea

modelu fax o e-mail pa unviar al coseyeru cultura.

Top domain for Asturies

 Izquierda Asturiana ye un proyectu políticu asturianu que tien como oxetivu la consecución de les mayores cotes de soberanía pal nuesu país dende un proyectu socialista y verde. Esta páxina inda ta en Pruebes.

Plataforma Asturiana del Agua |actualidá

25/03/2001 Persones de diferentes colectivod sociales y políticos entamaron va unes selmanes la Plataforma Asturiana del Agua col envís de defender l'apertura d'un ampliu debate social cola participación de tolos sectores afectaos pa la ellaboración d'un Plan Hidrolóxicu Nacional y una política del agua qu'asegure unos mínimos espuestos nel so manifiestu. Aparte de criticar les desigualdaes que se produccen nel Estáu en cuenta del P.H.N.l tamién critica "l'actitú cerril del gobiernu asturianu y la so obsesión poles infraestructures" que se traduz en barrabasáes como l'empeñu en construir l'embalse de Celles (Siero) en contra la opinión de los vecinos y los grupos conservacionistes.

Volvemos a tener mediu ambiente |Iván Huerga

19/03/2001 Ya va pa 6 años, con ocasión del trunfu del PP nes elecciones autonómiques asturianes, oyínse de les boques de los que tuvieren xingando de magar los destinos d'Asturies voces qu'anunciaben la catástrofe.Cola estimable collaboración de los medios afines "La Voz de Asturias", "Tele-Areces", etc., anuncióse un gran desatre ecolóxicu, Y díxome mio tíu: "gano'l PP y acabóse hasta'l mediu ambiente". Como si hasta esa los sucesivos gobiernos socialistes s'enfotaren cosa en tal asuntu. Agora vemos como l'ecoloxismu vuelve a empobinar l'acción política del gobiernín. Nesti artículu Iván Huerga fai repás de dellos de los estrozos que nos truxo el gobiernu "ecoloxista" d'Alvarez Areces.

Conciertos desconcertantes |Faustino Zapico

15/03/2001Esti cursu volvió a entamar la espirica a tres bandes ente sindicatos, Principáu y patronal de la enseñanza privada por mor de los conciertos educativos. El gobiernu de Tini Areces incumple les sos promeses electorales de defensa de la escuela pública y apuesta pol continuismu nunos alcuerdos cola enseñanza privada, xeneralmente relixosa, que suponen un regalu de 10.500 millones de pesetes a unos centros qu'incumplen toles normatives vixentes, mientres la escuela pública asturiana sigue padeciendo fuertes carencies estructurales.

Papeles pa toes y pa toos |actualidá

12/03/2001 El prósimu Miercoles 21 de Marzu va celebrase'l Día Mundial Contra el Racismu y la Xenofobia". N'Asturies, una veintena d'organizaciones sociales, sindicales y polítiques que formen el Movimientu Asturianu Contra la Llei d'Estranxería convoquen pa esa xornada un manifestación col lema "papeles pa toes y pa toos" que va salir a les 19:00 hores de la Estación de la Renfe d'Uvieu. Dende IAS afalamos a la sociedá asturiana a lluchar polos derechos de los/les inmigrantes, oponiendose a la Llei d'Estranxería del Gobiernu Español, que ye con muncho, la más reaccionaria d'Europa.

Pa más información sobre la tema: ¡Salam!- Portal de S.O.S. Racismu Asturies.

Coles muyeres nel 8 de marzu |especial

Con motivu de la celebración del Día Internacional de la Muyer Trabayadora, Izquierda Asturiana quier facer públicu el so sofitu a la manifestación que güei xueves día 8 sal a les 19:00 hores de la estación de RENFE d'Uviéu, a convocatoria de les asociaciones feministes y otros colectivos sociales. Tamién queremos aprovechar estos díis pa incluyir na páxina dellos artículos de reflesión sobre la situación actual de la muyer, y cuntamos pa ello coles aportaciones de delles compañeres feministes, tanto de dientro como de fuera del partíu.