mias>> califica d'éxitu la II Fuelga entamada por Xunta Moza

23/11/2005 Énte los resultaos aportaos por Xunta Moza no que cinca a la participación algamada na II Fuelga pol Drechu a estudiar Llingua Asturiana , Mocedá d'izquierda asturiana califícala como un éxitu que tien que facer ver al gobiernu la situación de marxinación y represión nes aules del nuesu país. Los convocantes cifren nún 80% global de siguimientu de la fuelga, lo que, otra vegada, fae espeyar el conflictu llingüísticu n'Asturies y sobremanera ente la xente más mozo.

mias>>, poro, felicita'l llabor de la estaya de mocedá de la Xunta Pola Defensa de la Llingua Asturiana, y afalaga a la Xunta Moza a siguir trabayando col mesmu enfotu y procuru pa cola mocedá d'Asturies que sigue tando "castigada" a nun poder estudiar llingua asturiana nel so propiu país.

Per otru lláu, mias>> tuvo presente en sofitu na manifestación entamada polos convocantes, qu'aniciaba na plaza del estáu español y finaba na Xunta Xeneral d'Asturies. El cortexu de mias>> repartió material de la organización, panfletos, el cartafueyu d'información "na cai>>", pegatines y chapes ente los presentes y dexose ver, espardiendo'l modelu que queremos p'Asturies ente los más mozos.

contauta con nós

Mocedá d'Izquierda Asturiana 2006