mias>> tuvo na concentración contra la represión llingüística del RIDEA

10/05/2006 >> Mocedá d'Izquierda Asturiana tuvo na concentración convocada pola Xunta Pola Defensa de la Llingua Asturiana a la puerta l'Auditoriu d'Uviéu, énte la negación del RIDEA (Real Institutu d'Estudios ¿Asturianos?) d'almitir una ponencia redactada n'asturianu.

mias>> sofitó la convocatoria aportando la so presencia y alvirtiendo de la gravedá d'esti fechu represivu entamáu por una organización, qu'hai que recordar, depende del gobiernu asturianu. Una vegada más, les moces y los mozos de mias>> tuvieron al par de La Pita y de la so organización, la Xunta, en solidariedá, nesta ocasión, cola xente que tuvo de retirar les sos ponencies.

Pa mias>>, esta nueva represión vuelve demostrar que, sin oficialidá, les y los que n'esti país utilizamos la llingua asturiana somos ciudadanos de segunda, que siguimos sin poder espresanos con llibertá na nuesa llingua, y que cada día sufrimos agresiones más sangrines contra los nuesos derechos fundamentales.

Poro, Mocedá d’Izquierda Asturiana vuelve desixir, (aguardando que seya per vez cabera) l'estatus d'oficialidá pa la llingua asturiana, el que merez y precisa nel enfotu de tornar la so desapaición dafechu.

Ye una cuestión de respetu.
La oficialidá SÍ ye posible

contauta con nós

Mocedá d'Izquierda Asturiana 2006