mias>> nel Derramidea

05/07/2006 >> Un grupu de militantes de Mocedá d’Izquierda Asturiana tuvo en Pravia esta fin de selmana trabayando nel espardimientu de material reivindicativo durante’l Festival Derrame Rock, dientro del Derramidea, un espaciu que la organización acuta pal intercambéu d’idees y proyectos ente la xente más activo y sensibilizao políticamente del nuesu país col públicu que cada añu asiste masivamente a estes xornaes musicales, referente yá nel nuesu país.

Aprovechando la ocasión, mias>> estrenó material nuevo (camisetes, chapes y panfletos) y continuó espardiendo los yá perconocíos na cai>> y Qué ye mias>>?, xunto a otres chapes, panfletos, pegatines y cartafueyos que se reeditaron per enésima vegada.

Mui bien de xente averóse al nuesu puestu interesao pol material y por alquirir tola información sobre la nuesa organización. Tanto’l tratu col públicu como con otres asociaciones y la organización foron dafechu satisfactorios nun ambiente festivu y cultural de lo más prestoso. Habiendo oportunidá, repetiremos.

Estaya de Comunicación y Nueves Tecnoloxíes de mias>>
Uviéu 5 de xunetu de 2006

contauta con nós

Mocedá d'Izquierda Asturiana 2006