Mocedá d’Izquierda Asturiana participó na manifestación entamada pola Coordinadora Antifacista d'Asturies el 17 de payares en Xixón
19/11/2007 >> La organización xuvenil d'izquierda asturianista despliegó una pancarta na qu'encamentaba a la mocedá non solo a nun dar un pasu atrás sinon a "un pasu alantre" contra les expresiones y agresiones fascistes.
Amás, militantes de mias>> espardieron panfletos con motivu de la convocatoria y amosaron carteles nos que s'alvertía de ciertes actitúes de les organizaciones fascistes del Estáu.
Por otra parte, el mozu antifascista Carlos Javier Palomino, asesináu apocayá por un soldáu del exércitu español, tuvo perpresente na movilización al traviés d'una montonera de banderes y pancartes que lu recordaben.
Otra vuelta, cientos de persones dieron un pasu alantre contra'l fascismu manifestándose nestes feches nes que los cuatro impresentables de siempre tornen a les cais pa homenaxear impunemente a un dictador y un réxime qu'asesinó, torturó y oprimió a millones de persones nel nuesu país y en tol Estáu. ¡Puxa Asturies antifascista!
Mocedá d'Izquierda Asturiana
Uviéu, a 19 de payares de 2007
