|
"Ésti/a
que s'empobina a vós nesti corréu ellectrónicu,
quier face-yos llegar la so enérxica protesta pola
poca voluntá política del so gobiernu pa coles
Llingües d'Asturies, amosada a les clares nes sos propuestes
na escolarización de la Llingua Asturiana y del Gallego-Asturianu.
Nun ye desplicable les sos disculpes de triba llegal, cuando
nes sos manes ta'l finar con elles, declarando, la tan naguada
pel pueblu asturianu, OFICIALIDÁ. El nun facelo,
namái qu'escuende intereses oscuros y de fondu calter
políticu, que tán tol día mazcarándolos
al nuesu pueblu.
Agora tienen la oportunidá d'amosanos qu'esto nun ye
asina. Faigan una normativa xusta pa les nueses llingües,
na que nun se mos discrimine col restu les llingües del
estáu. Pa ello, l'Asturianu y el Gallego-Asturianu tienen
de ser materia del currículu base en tolos niveles de
la enseñanza non universitario, inxertándoles
nél nes mesmes condiciones que'l restu les materies y
con horariu neto al del castellán. Asina mesmo, xulgo
necesario que se cataloguen los puestos de trabayu docente en
Llingua Asturiana y Gallego-Asturianu nos centros educativos,
que se-yos dé calter xurídicu, que se doten pel
calce habitual de Concursu de Tresllaos y que s'incluya les
Especialidaes de Llingua Asturiana y Gallego-Asturianu nes Convocatories
d'Oposiciones.
Esi ye l'únicu camín pel que mos pueden comencer
de la so disposición p'hacia la realidá llingüística
d'Asturies. De nun ser asina, sedrán unos politicastros
más que gobiernen Asturies, pero d'espaldes al pueblu
y a les sos aspiraciones, y a favor de dellos caciques, que
gracies a les actuaciones d'anteriores gobiernos, piensen siguir
decidiendo por toos. Cuido qu'esa nun ye l'actuación
d'un gobiernu d'izquierdes, ustedes s'asitiaran políticamente
na drecha o na izquierda cola so actuación. El tiempu,
anque lento, acaba pasando factura"
|
