Pola llucha y la propuesta

Manifiestu d’Izquierda Asturiana énte’l 1u mayu

Un añu más, llega’l 1u de mayu, día internacional de celebración de la identidá colectiva de la clas trabayadora. Un añu más, salimos a la cai a reivindicar les conquistes de los que nos precedieron y que nos tán quitando cola sida de la crisis: acabu de la negociación colectiva, reducciones de xornal, precarización absoluta o recortes nos servicios públicos.

Les agresiones nun son el simple resultáu de tener un gobiernu del PP. Recorta’l PP creando’l marcu llegal de tales agresiones, pero tamién el PSOE aplicando eses ferramientes llegales n’Asturies. Nun hai recortes “progresistes” o recortes “conservadores”, hai agresiones a la clase trabayadora, vengan d’onde vengan.

Y tienen un orixe claru, que ye la voluntá de disciplinar a la clase trabayadora del escenariu post-crisis: una clas ensin derechos reconocíos, ensin ferramientes de llucha y cola precariedá como horizonte vital. Ye l’escenariu de l’austeridá perpetua, de la submisión permanente nel marcu de la UE y el réxime del 78.

L’europeísmu ye’l discursu ideolóxicu que s’impunxo a derecha y esquierda dende los años 80. Ye la xustificación permanente de la naturaleza, polítiques y actuaciones de la Unión Europea. Tolo que viniera d’Europa yera bono. Y d’Europa, p’Asturies, vieno la reconversión brutal del campu y la industria. D’Europa vinieron los pieslles de cientos d’empreses que xeneraron decenes de miles de paraos, y con ello emigración y precariedá. D’Europa vinieron tamién carraos de perres,
xestionaos de forma catastrófica pola casta político-sindical-empresarial autóctona yá que nun valieron pa rexenerar el texíu productivu, sinón pa financiar la rede clientelar cola que fabricar mayoríes electorales, y obres faraóniques fonte de corrupción descomanada, col casu más escandalosu, pero non únicu, del puertu d’El Musel.

La respuesta ye la llucha, y ye la propuesta. De poco val movilizase si nun hai un proyectu alternativu pol que lo facer. Y el proyectu ye’l romper colos marcos de dominación, la UE y el réxime del 78, col envís d’armar un proyectu constituyente onde’l pueblu asturianu seya l’únicu amu del so futuru. Y el métodu ye’l combate unitariu de tolos sectores en llucha, de tolos que pierden cola crisis global del sistema y del réxime. Vímoslo na manifestación de va mes y mediu de les empreses en llucha equí en Xixón, y vímoslo tamién nes marches de la Dignidá del 22M. Nel añu del 80 aniversariu de la revolución asturiana, tenemos un exemplu claru de lo que ye quien a facer esti pueblu cuando ta uníu y consciente de la so fuercia.

El 1u mayu y el restu del añu, Fuercia y Unidá hasta la victoria.

Izquierda Asturiana (IAS)

A siguir dando pasos

Depués del éxitu de les Marches de la Dignidá:  A siguir dando pasos

Depués del éxitu de les Marches de la Dignidá: A siguir dando pasos

L’inmensu éxitu de les Marches de la Dignidá, que remataron l’otru sábadu 22 en Madrid con una manifestación pergrande, posiblemente la más multitudinaria de la Historia d’España, apurre abondes llecciones y plantega retos enforma a les fuercies de la esquierda que tán dispuestes a encarar la revesosa situación histórica na que mos topamos.

Como yá diximos nel so momentu, había dos elementos fundamentales qu’estremaben esta convocatoria de tantes otres anteriores: la primera qu’avanzaba yá una propuesta política, anque tovía probe, que diba acuyá de la simple protesta, y la segunda que taba fecha al marxe de la tutela de les grandes centrales sindicales, CCOO y UGT, que vienen faciendo’l papel de bomberos del réxime cuantayá. Qu’una movilización que plantega abiertamente nun pagar la delda impagable, y que quier espresamente baltar los gobiernos de la Troika, tanto’l central como los autonómicos; que se fai con una precariedá de medios evidente, dada la debilidá orgánica de los sectores que la propiciaron, y que, al marxe de los tradicionales marcos de protesta sindical, seya a xuntar una movilización de proporciones descomanaes, ye una siñal de que la paciencia popular y l’estáu d’emerxencia social en que tán los pueblos del Reinu d’España llega a tales niveles que perpasa les llendes del réxime. Lo que se pidió en Madrid, y dende tolos pueblos del estáu, yá ye abiertamente un cambiu de daqué más que’l gobiernu, y eso supón un reblagu perimportante nel nivel de conciencia d’un sector perimportante de la población. El réxime nacíu en 1978 al traviés del pautu ente les élites franquistes y les cúpules de la oposición ta entrando nuna crisis terminal, lo que nun quier dicir que tea a piques de desapaecer, sinón que posiblemente teamos nuna situación na qu’a les élites económiques yá nun-yos seya posible perpetuar la so dominación col mesmu marcu políticu-institucional que nació cola muerte de Franco. Vese ca vez más imprescindible cambiar a otru, y la cuestión ta en facer qu’esti seya pilotáu pol campu popular o pola oligarquía, y en porgüeyu de quién. Siguir Lleendo

22M: Un avance na unidá necesaria

Izquierda Asturiana (IAS) apoya la convocatoria de les marches de la  dignidá a Madrid y fai un llamáu a participar nelles.

Izquierda Asturiana (IAS) apoya la convocatoria de les marches de la dignidá a Madrid y fai un llamáu a participar nelles.

Dende hai dellos meses ta en marcha una iniciativa estatal que tien como oxetivu facer una riestra de marches dende diversos puntos de la xeografía del Reinu col envís de converxer toes elles en Madrid pal 22 de marzu. Estes marches, llamaes de la dignidá, tán plantegaes como una converxencia de tolos sectores sociales afectaos pola crisis con una plataforma reivindicativa mui cenciella, que tien ente les sos idees fuercia el non pagu de la delda y la garantía d’unos ingresos mínimos al conxuntu de la población.

Dende Izquierda Asturiana (IAS) vemos estes marches como daqué positivo en tanto que suponen un avance nel procesu d’algamar la unidá necesaria de tolos sectores agredíos poles polítiques xabaces de la Troika y les sos marionetes, y porque pasen, anque seya mínimamente, a una fase propositiva que perpasa la simple protesta y que pue ser el guañu d’un programa mínimo baxo’l que movilizase.

Izquierda Asturiana (IAS) lleva llamentando cuantayá l’ausencia d’una verdadera respuesta unitaria y baxo un programa claru y roturista cola Europa de la Troika. A lo llargo d’estos años fueron surdiendo iniciatives diverses que valieron pa movilizar a la población asturiana, Siguir Lleendo

Xuntar les lluches pa entamar una respuesta

La unidá na cai de tolos sectores en crisis ye clave pa xenerar una respuesta social y una alternativa a la crisis

La unidá na cai de tolos sectores en crisis ye clave pa xenerar una respuesta social y una alternativa a la crisis

La unidá na cai de tolos sectores en crisis ye clave pa xenerar una respuesta social y una alternativa a la crisis.

Izquierda Asturiana (IAS) saluda la criación del frente d’unidá obrera formáu poles asamblees de trabayadores d’empreses en crisis, como Tenneco, Coca Cola, Cocinas Asturianas, Benito Sistemas, Liberbank-Cajastur, Subcontrates d’Hunosa o Mataderu de Noreña, asina como los afectaos pola intoxicación con mercuriu d’Asturiana de Zinc. La concentración fecha güei vienres n’Uviéu delantre los xulgaos ye un pasu prestosu y interesante na visibilización de la unidá necesaria pa continuar les lluches escontra los EREs y el lladrociniu institucionalizáu.

La crisis nun ye nueva n’Asturies. Nun llegó en 2008, sinón qu’arranca de la mesma caducidá del modelu productivu asturianu que tuvo operando n’Asturies per sieglu y mediu y qu’entra nun procesu terminal cola integración del Reinu d’España na CEE, anguaño Unión Europea. N’Asturies llevamos décades de reconversión industrial, minera y agropecuaria, como llevamos décades d’emigración forciada de la mocedá. A lo que tamos asistiendo agora ye a un agravamientu d’esi procesu como resultáu de la crisis financiera internacional y de les respuestes que se tán dando a la mesma dende les instituciones, como la Troika y los gobiernos español y asturianu. Sigue leyendo