Quién Somos

Izquierda Asturiana (IAS) ye un partíu republicanu, socialista y verde d’Asturies, qu’echó a andar allá pel añu 1992. Nel contestu de la crisis xeneral del modelu productivu asturianu, consecuencia de la integración del Reinu d’España na CEE, y de la crisis xeneral de la esquierda mundial, consecuencia del esbarrumbe del socialismu rial, un garapiellu de militantes decidimos entamar la criación d’una esquierda de, por y pal país. Quiximos facer un apueste pol futuru ensin renegar del pasáu, participando nel debate sobre la redefinición de la esquierda pero asumiendo tamién críticamente la esperiencia colectiva de la llucha social del nuestru pueblu.

Nun somos nin queremos ser un partíu profesionalizáu y centráu na llucha electoralista, sinón una ferramienta del cambiu social que’l nuestru país necesita, formáu por ciudadanos y ciudadanes conscientes de la necesidá de la llucha común baxo los principios de la democracia, la participación y la dirección colectiva.

Deja un comentario