Moción
sobre Software Libre.
Les Alministraciones públiques, tanto nel so funcionamientu
internu como nel so vontactu colos ciudadanos yá nun son
a entendese ensin los procesos informáticos qu'esisten
na xestión y procesamientu de los datos y ca vez ye más
patente la posibilidá y la tendencia puxante a l'atención
al ciudadanu al traviés de los nuevos sistemes que mos
ufren les nueves tecnoloxíes. D'otru llau, el desenrollu
de la sociedá ta yá venceyáu estrechamente
a la informática, tanto nel tarrén científicu
y formativu, como económicu o lúdicu.
N'otru tiempu, pa poder utilizar un ordenador los usuarios
o les alministraciones tenín qu'alquirir sistemes operativos
que yeren propiedá de los sos criadores y que no
podín ser modificaos nin compartíos llibremente.
A lo primero de los años '90, esta situación modificóse.
D'un llau, el desenrollu y difusión d'Internet y
los protocolos llibres que sirven de base a tolos sos servicios
(web, corréu, tresferencia d'archivos,...) y d'otru, l'apaición
del sistema operativu GNU/ Linux determinaron l'aniciu
de lo que se conoz como software llibre. Esto ye, sistemes
operativos ensin restricción llegal dala que llende'l so
uso, modificación o distribución. Ye como programes
o software llibre.
A lo llargo d'estos últimos años, l'usu de software
llibre ta afitándose como una alternativa al software
propietariu. Calcúlase que más d'un 70% de
los servidores web del mundu tán basaos nel sistema
operativu GNU/Linux y demás software llibre. Al
mesmu tiempu, empreses multinacionales d'ámbitu informáticu,
como IBM, Hewlett Packard, Apple y Sun, ufren apoyu técnicu,
financieru y comercial al software llibre.
Por mor de les sos múltiples ventayes, l'usu, el desenrollu
y la difusión del software llibre yá llegó
a les alministraciones públiques de munchos estaos
como Alemaña, Francia, China, Perú, Brasil o
México. Nel Reinu d'España, la Comunidá
Estremeña o la Canaria yá entamaron proyectos
asemeyaos colos que van a ser a ponese en cabeza de la innovación
tecnolóxica y aforrar millones d'euros. Ta acabante de
presentase una proposición al Parlamentu de Cataluña
y otra al Senáu del Reinu d'España pa que s'apruebe
l'adopción de software llibre na alministración
catalana y estatal respectivamente. La propia UE ta apoyando
activamente el desenrollu de programes de códigu abiertu
financiando proyectos europeos d'interés, como Open Evidence
que yá fo aprobáu y va rializalu un consorciu de
proveedores de tecnoloxía y usuarios de 4 países:
Bélxica, Francia, Italia y Estonia.
L'altu nivel de consolidación al que llegó'l
software llibre anguaño nun ye a esplicase ensin conocer
les ventayes económiques, estratéxiques y sociales
que l'usu, promoción y desenrrollu d'esti tipu de software
proporciona, n'especial a les alministraciones públiques,
en contraposición al software de llicencia propietaria,
y que n'Asturies, por mor de les sos particularidaes culturales
y llingüístiques tienen especial importancia. Delles
d'estes ventayes son les siguientes:
1. Ventayes económiques.
El software llibre nun tien coste de llicencia y pué copiase
y modificase. Toles meyores que se rialicen nun tienen restricciones,
y asina cualquier alministración, empresa, institución
o organismu pué beneficiase de les meyores introducíes.
Por poner un casu, podríemos citar cómo l'Alministración
del Principáu d'Asturies hubiere aforrao 210.955.563 ptes
/ 1.267.868 euros, cantidá desembolsada a Compaq Computer
España en calidá de contratu pa suministru y actualización
de llicencies de Microsoft pa l'Alministración nel añu
2002.
2. Fomentu de la innovación
tecnolóxica. Como nos programes llibres disponse
del códigu fonte de l'aplicación, cualquier técnicu
o empresa del país pué rializar el desenrollu de
les meyores, ensin necesidá d'encargarles a empreses
d'otros países que trabayen con sistemes propietarios.
De esta forma, contribúise a la formación de
profesionales de nueves tecnoloxíes y al desenrollu local
baxo planes estratéxicos propios.
3. Independencia del proveedor.
D'aplicase'l software libre nun se ta xuncíu al marcu de
los proveedores. El software llibre permite siguir ameyorando
los programes que mos interesen yá que nun hai propietarios
que puean torgar la investigación o eliminar la distribución.
4. Fomentu del asturianu.
Les llingües minoritaries tienen poques posibilidaes de desendolcasde
nel mundu de los programes de propiedá yá que nun
suelen resultar rentables pa los sos criadores. En cambiu el
software llibre facilita les traducciones y la incorporación
de correctores ortográficos y gramaticales.
5. Seguranza y privacidá
de los datos. El software llibre, al disponese del códigu
fonte del programa, garantiza los derechos civiles de los ciudadanos
nos siguientes aspectos:
