Declaración de sofitu al derechu a decidir de Cataluña

El pueblu catalán da un pasu mas na so xusta reclamación sobre’l derechu democráticu a decidir el futuru de so. Y, darréu, la España reaccionaria que nun entiende de derechos nin de democracia, sal en barrena pa dexar claro que nun va permitir daqué tan elemental como la celebración d’una consulta democrática. Los qu’argumenten que la «soberanía reside nel Pueblu español», son los mesmos que se doblen delantre los mandatos del gran capital financiero y de la Troika, los mesmos que mos roben, mos faen probes, mos reprimen, los que mos arrampuñen derechos sociales y civiles conquistaos con munchos años de llucha, sufrimientu y sangre.

Pero esti exerciciu de soberanía qu’anicia nel pueblu de Cataluña nun pue sirvir a la derecha que representa Artur Mas p’afondar nes polítiques de recortes y d’expropiaciones sobre los bienes comunes. La soberanía ye un derechu que los pueblos tienen qu’exercer sobre TOLES decisiones polítiques, sobre’l propiu cuerpu, sobre les polítiques sociales y económiques, sobre la sostenibilidá ecolóxica del modelu productivu y de consumu, etc. Esto ye, el derechu a decidir de los pueblos tien que se realizar dende una radicalización de la democracia y, poro, tien que se llevar a cabu como oposición a les imposiciones del gran capital sobre los derechos y conquistes sociales.

Siguir Lleendo

cuadonga, 8 setiembre y nación asturiana

covadonga

Otru añu más, entama’l cursu politicu, que normalmente fáise al traviés de dos feches: la fiesta minera del SOMA en Rodiezmo y el 8 setiembre, Día d’Asturies. Esti añu, la gran novedá ye la suspensión del actu mineru cola sida del coste económicu, anque too paez indicar que nun ye ayeno a que la figura del Gran Somarca, José Ángel Fernández Villa, yá nun va tar presente. Aforraremos asina la sucesión de tópicos, impostures y mázcares d’esi sector de la UGT y del PSOE que sigue aneciando en presentase como socialista al traviés de la escenificación d’un discursu pa nada coincidente cola so práctica dende va más de trenta años.

Pero la otra cita obligada, la del 8 setiembre, sigue igual. Un añu más, un actu oficial, teñíu de relixosidá. Un añu más, actos alternativos, intentando ser la otra cara del espeyu.

Siguir Lleendo

XIII Alcuentru Nacional

El XIII Alcuentru celebróse n’abril y mayu de 2012 (el XII, celebráu en 2009 nun lu incluyimos nesta llista porque nun salió d’él documentu dalu) y nél aprobóse la rotura pautada del partíu al traviés de la resolución aprobada. Dao que foi un alcuerdu de consensu, y únicamente pa formalizar la rotura, nun s’incluyó una valoración de la llinia política aplicada hasta esi momentu al nun haber alcuerdu sobre la mesma.

Calca equí si lu quies lleer.

XI Alcuentru Nacional

Celebráu n’abril de 2008, marcó la llinia a siguir por IAS respecto al procesu Unidá, entamáu un añu anantes. Facemos asina una valoración crítica del mesmu, y diseñamos les víes peles que pensábemos que tenía qu’empobinar el procesu, que cuayó meses depués na formación d’Unidá Nacionalista Asturiana (UNA).

Equí tienes el documentu: XI Alcuentru Nacional