Comentarios sobre l'actualid· d'Asturies y del mundu por persones venceyaes a Izquierda Asturiana (IAS) http://www.ias.as Los comentarios nun representen necesariamente los posicionamientos del partÌu sinon de les persones que los escriben. M·ndanos los tos comentarios o aportaciones a contacta@ias.as

 
GLOBALIZACIÓN: LLADRONICIU Y REPRESIÓN
Esti weblog solidarízase con Anxel Nava y Sisto Armán que como los nuesos lectores yá sabrán, van dir a l'alcarcel por facer unes pintaes en Xixón contra la Globalización. Axúntamos les acciones de sofitu a estos dos activistes preparaes hasta agora. Siguimos informando...

*Acompañamiento en su ingreso al CIS de Villabona, con las siguientes
citas lunes 3 de marzo, 11,30 h Estación del Humedal en Xixón, 12,15 h.
apeadero de Tabladiello-Villabona y paseo solidario hasta el CIS (más o
menos 20 minutos cuesta arriba), los compañeros se quedan allí y se vuelve
(en esta ocasión es cuesta abajo).
*Fiestuca de bienvenida jueves 6 a las 21'30 en el COOL Café (c/San
Bernardo 3, Xixón).

Unviao por Administrador a les 10:03 AM

 
TINI NA MANIFESTACIÓN... DE MADRID
Hai un par de selmanes el presidente asturianu en cuenta de dir a la manifestación que se facía n'Asturies en contra de la guerra asomóse pela de Madrid ¿enteraríase daquién fuera d'Asturies?. En cuenta de tar colos sos conciudadanos y conciudadanes compartiendo la protesta cívica quixo más facelo na capital del reinu. ¿Qué podemos esperar d'un dirixente asina? ¿Que foi buscar a Madrid? Suañará con salir del ostracismu estatal y convertise, por una d'eses caramboles que tien la política, nun Zapatero a mediu plazu ("si Zapatero pudo, yo tamién"). Ello ye qu'ente uno y otro, los Bono, Ibarra, Maragall, Chaves... asomen la cabezuca mentes "el nuestru", tan noble y lleal, sigue predicando la llealtá institucional , sigue cumpliendo aquello de "usted no se meta en política" na so nueva versión "usted no piense en Asturies", y sigue faciendo d'Asturies un pozu políticu y humanu.

Unviao por Enr?quez a les 6:51 PM

 
TV
El gran fraude de la TV asturiana, de la Tinivisión, ta a puntu de perpetrase nel Parllamentu asturianu. Güei entamaron les discusiones y el vienres quiciabes ya seya realidá una Llei de Televisión que nun va valir pa otro que pa desasturianizar Asturies, pa perpetuar el clientelismu social y políticu y pa contribuyir a arrequexar la llingua.
Del PP y del PSOE nun falamos, yá se sabe qué ye lo que proponen (o nel casu del PP, lo que nun proponen). Nesti casu nun hai con quien tratar, porque IU ta defendiendo un proyectu infumable dende un puntu de vista sociollingüísticu que refuga una Televisión xeneralista, que renuncia a que la llingua asturiana valga pa falar de daqué cosa, que nun quier que los asturianos y asturianes podamos tener una televisión normal na nuesa llingua.
Val, quiciabes podamos caltener tamién una llingua non-xeneralista pa les nueves xeneraciones (¿eso nun se llamaba diglosia?).
Dacuando ún entrúgase qué tamos faciendo mal pa nun ser a tornar esto. Porque nes maldiciones bíbliques inda nun creemos.

Unviao por sacabera a les 9:24 PM

 
NUN MOS PRESENTAMOS A AUTONÓMIQUES
Esa ye la decisión que se tomó na Asamblea del día 15. Lo bono dende'l mio puntu de vista ye la cuasi unanimidá na decisión y el peraltu optimismu de la organización. Y sobre manera la convicción que tenemos toos y toes de que'l proyectu d'IAS ye pernecesariu, de que la medría y la simpatía que ta teniendo'l partíu nos caberos meses nun tien que facenos precipitanos y de que les nuestres son les del 2007.
Lo de los conceyos diremos viendolo nos prósimos díes...
Unviao por sacabera a les 9:31 PM

 
CONVOCATORIES D'ESTA SELMANA
La Coordinadora Ecoloxista d'Asturies unvia toles selmanes un recordatoriu de toles actividaes que se desendolquen en dellos puntos del país. Ehí van les d'esta selmana.

- El martes 25, a partir de las 19,30 horas, Reunión de la Plataforma Antiglobalización del Nalon en la Casa Cultura de Sama.

- El miércoles 26, a las 19 horas, Reunión en el Conceyu de la Moceda de Xixón a iniciativa del Frente de Acción Creativa para preparar los actos de solidaridad con Anxel Nava y Sixto Arman, condenados a entrar a la cárcel de Villabona por participar de una acción reveindicativa contra la globalización en el año 2001 con grafittis.

- El jueves 27 a partir de las 19,30 horas, Charla- Coloquio "Vertido del Prestige, una perpestica ecológica" a cargo de José Luis Acuña de la Universidad de Uvieu organizado por la Osa Ecológica.

- El mismo jueves 27 a partir de las 20 horas, Concentración Contra la Guerra en la Plaza del Ayuntamiento de Avilés.

- El mismo jueves 27 a partir de las 19,30 horas, Concentración Contra la Guerra en la Plaza del Ayuntamiento en Sama.

- El mismo jueves 27 a partir de las 20 horas, Concentración Contra la Guerra en la Plaza del Parchis en Xixón,

- El mismo jueves 27 a partir las 20 horas, Concentración Contra la Guerra, frente al Teatro Campoamor en Uvieu

- El domingo 2 de marzo a partir de las 19 horas, Pasacalles Contra la Guerra en la Plaza del Ayuntamiento de Siero, organizado entre otros por Paz Siero.

Unviao por Administrador a les 1:04 PM

 
SOFTWARE LLIBRE N'ASTURIES
Coméntennos que la xente de Asturlinux ta faciendo un seguimientu a los conceyos onde paez qu'hai interés pol usu del Software Llibre entamando presentaciones nes qu'amosen les ventayes d'esti sistema de mou prácticu.
Hasta agora una delegación d'Asturlinux visitó con bona acoyida'l conceyu de Villaviciosa (qu'aprebó hai dellos meses una moción presentada por IAS pa potenciar el Software de códigu abiertu nel conceyu) y Llangréu.
Polo que se ve esta asociación tien tamién planes de facer una visita a Nava, el segundu conceyu onde salió alantre la moción d'Izquierda Asturiana.

Unviao por sacabera a les 11:25 AM

 
EL MANI
Como diz Carlos nun comentariu d'ayeri el maniegu yá ye llicenciáu en Filoloxía Inglesa. Pue paecer daqué anecdótico que daquién acabe una carrera, pero pa los y les que lu conocemos esti fechu ta enllenu de significáu.
El mani ye una d'eses persones que na so mocedá dedicó tolos sos esfuercios a la militancia nacionalista, desdexando quiciabes los estudios pola llucha diaria, y que depués d'otres esperiencies personales, unes más negatives y otres más positives retomó años depués la carrera que ta acabante finalizar ¡Norabona!.
Hailos que lu conocimos yá cuando la Guerra del Golfu, paez qu'agora vien una asemeyada, como ún de los líderes estudiantiles qu'entamaba les movilizaciones. El mani yera daquella una de les persones que más trabaya pol Conceyu d'Estudiantes Nacionalistes (CEN) y compaxinaba eso col so llabor como compositor de música y lletres en Dixebra o escribiendo lletres como la nomada "Flor del Agua" o faciendo con Xune'l fancín L'Esperteyu o deprendiendo Euskera, Galés, Ruso, árabe, occitán, alemán o cualquier llingua de la qu'atopara una gramática.
Hai qu'acordase que'l maniegu ye ún de los miembros del CEN que taba na Xunta de Gobiernu de la Universidá nos 80 y qu'algamó que nos estatutos de la institución hubiere referencies a la nuesa llingua y al nuesu país.
Munches felicidaes y a siguir col llabor... que queda abondo entá por facer.

Unviao por sacabera a les 7:31 PM

 
COSES D'AVILÉS
Rúxese per Avilés nestos últimos díes qu'IAS ta plantegándose reorganizase pa entamar a trabayar d'un mou continuu y específicu n'Avilés y el so radiu. Persones d'estremaes organizaciones tan por trabayar a comuña cola xente d'IAS-Avilés pa ufrir una alternativa de trabayu y crítica político real, pernecesarios anguaño nel conceyu avilesín.

Mentes aguardamos noticies oficiales d'Avilés, aprovechamos estes llinies pa da-y la norabona a César García "Maniegu" (hestóricu nacionaliegu y militante d'IAS na ciudá de "La Fabricona") pola so recién llicenciatura... ¡¡hailos que ganen batalles por aburrición!! Felicidaes fenómenu.

Unviao por Lluz a les 10:05 PM

 
ASTURIES EN MADRID CON NUNCA MAIS
Na web de ecoloxistes n'acción tienes información sobre l'autocar/es que dende Asturies va salir a la manifestación de mañana.
Estos son los horarios de los buses_
Avilés: a las 5 de la mañana, salida Plaza de los Oficios (cruce Arbolón con Llano Ponte)
Xixón: a las 5h en la Gota de Leche
Uviéu: a las 5h30' en la Cruz Roja en la Ronda
Mieres: a las 5h45' en el cuartel de la Guardia Civil
León: a las 6h45' (Aprox.)
Unviao por Administrador a les 1:22 PM

 
FOROS Y NACIONALISTES
Los foros son un subxéneru que cola apaición d'internet faen qu'un númberu de xente qu'anantes nun tenía onde falar, intercambiar opiniones o cenciellamente echar la llingua a pacer, tenga agora una vía d'espresión.
Cualquier llugar ye bonu pa espresar opiniones pero a dellos danos la impresión de que'l tradicional cainismu presente nel asturianismu políticu y cultural atopó una vía d'escape inmeyorable na rede.
Internet tien abondes coses bones y va apurrir oportunidaes desconocíes pa que'l nacionalismu asturianu llegue a muncha xente que ta naguando por proyectos nuevos, ilusionantes, que dean respuestes a les necesidaes que tien el nuesu país.
Sicasí, la rede va amosar, ya ta amosando, ensin escapatoria posible, toles miseries, mezquindaes, incultura y babayismu qu'añeren ente nós.
Esperemos qu'ambitos como esti sirvan pa crear imáxenes más positives y difundir la necesidá que tien Asturies de proyectos propios, desacomplexaos y con capacidá de construyir el futuru con visión de país.

Unviao por sacabera a les 5:19 PM

 
ENTAMAMOS
Bienveníos y bienveníes a esti weblog qu'entendemos como un complementu a la web d'Izquierda Asturiana y como una forma de facer llegar comentarios, retayos de noticies o otros aspectos qu'a la xente rellacionao con IAS nos abulten interesantes. Pasa perequí regularmente y nun dexes de consultar la nuesa web pa conocer meyor el proyectu d'izquierda nacionalista y ecoloxista que porponemos dende la nuesa organización.
Unviao por Administrador a les 1:03 PM