Comentarios sobre l'actualid· d'Asturies y del mundu por persones venceyaes a Izquierda Asturiana (IAS) http://www.ias.as Los comentarios nun representen necesariamente los posicionamientos del partÌu sinon de les persones que los escriben. M·ndanos los tos comentarios o aportaciones a contacta@ias.as

 

LA GUERRA MEDIÁTICO... D'EL MUSEL

En tiempu de guerra n'Irak, cola tv y los periódicos contando les mentires que manda l'exércitu resulta que la guerra de les informaciones tenémosla en casa con otru asuntu que parez que teníemos escaecíu. Que los promotores de la campaña pro-muselón tienen compráu El Comercio sabiémoslo yá de la qu'entamó too esto, pero ye que lo de güei yá nun hai per onde garralo. Como nun tienen con qué argumentar l'ampliación, la entente ministeriu-principáu-contratistes dedícase a acutar espaciu nos periódicos pa esparder estudios supuestamente científicos defendiendo la necesidá de metenos pel focicu l'ampliación.

Esos estudios, anque suel firmalos dalgún profesor universitariu pa da-yos imaxe de serios, nun son más qu'estoyos de datos vieyos y parciales y d'opiniones interesaes col únicu oxetivu de xustificar la 3c, pero carecen del mínimu sentíu de rigor científicu. Por poner un casu, ún de los estudios ye sobre los efectos nel turismu de l'ampliación ¿metodoloxía? mui fácil: entrevistes con empresarios hosteleros y "notables" espertos del sector. A partir del desconocimientu de los entrevistaos de l'auténtica dimensión del proyectu o de los intereses creaos y vinculos políticos de bien d'ellos l'estudiu, que peñera interesadamente toles opiniones, acaba concluyendo que l'impactu sobre'l turismu va ser "moderáu". Y digo yo ¿au los estudios econométricos y d'impactu estructural? ¿au lo que yo pescancio como rigor científicu?.

Bueno, a lo que diba. El casu ye que EL Comercio (o Bebercio, o Tinercio, o fueya parroquial de l'autoridá portuaria, que a estes altures yá da lo mesmo) diz güei que la alternativa 3c ye la única posible según un estudiu de Fomentu al que "pudo acceder" el periódicu. Reproduzo: "Un informe técnico elaborado por profesionales vinculados a El Musel y funcionarios dependientes del Ministerio de Fomento sostiene que la ampliación del puerto exterior gijonés sólo será viable y rentable si se aplica la opción 3C, la que plantea la construcción del gran dique". De mano que l'estudiu lu faigan profesionales d'El Musel, partes desinteresaes ya imparciales como ellos solos, yá-y quita tola validez, pero pa más aquello resulta que "Por debajo de esas medidas, la construcción será poco operativa para contener la frenada de los grandes graneleros que se esperan en la nueva terminal". El casu ye que l'autoridá portuaria, que sigue ensin facer un estudiu seriu de captación y ampliación de tráficos, entovía nun demostraron qu'esos grandes graneleros de más de 300.000 tonelaes vayan llegar nunca a El Musel

Como siempre, el frente museleru namás sabe defendese que con falsos tecnicismos y verdaes a medies, pero sigue ensin atacar la cuestión fundamental: ¿pa qué fai falta el superpuertu? ¿que beneficios va traer pa la economía asturiana? ¿va valir pal crecimientu d'un hinterland o trespaís industrial diversificau o namás va ser una triste esplanadona infrautilizada de carbón pa quemar n'Aboño III?. Esi ye'l debate qu'hai que tener primero de decir que se necesita un puertu de 5 kilómetros de barra y de metenos en "detalles".

Yá veis, collacios, mientres la cospiración del cementu diz que los que s'oponen al Musel ye porque son ecoloxistes que namás quieren salvar la playa, nosotros, los d'IAS, decimoslo bien en alto que la playa ye namás que la punta del iceberg. Ta en xuegu daqué más gordo: un modelu de desarrollu pa esti país.

Por cierto, que toos esos estudios que l'autoridá portuaria anda filtrando a la "prensa amigo" depués nun s'alcuerden de ponelos a información pública y anuncialo pa que tola xente podamos velos. Hai que tener cara.
Unviao por Porceyo a les 11:41 AM

 
MÁS MOVILIZACIONES ENCONTRA LA GUERRA
Dende Siero lléganos un corréu con nueves movilizaciones pa estos díes de la Iniciativa Asturiana contra la Guerra.
MARCHA PACIFISTASalida a las 12:00 de la Plaza del Ayuntamiento de Noreña el Domingo 30 de Marzo, en dirección al Cuartel Militar Cabo Noval ( en la Belga , Pruvia), en el que se leerán algunos textos pacifistas y reivindicativos.
JORNADA BRIGADISTAS
El Jueves 27 de Marzo a las 20:00 en la Casa de Cultura de Pola de Siero charla coloquio con los brigadistas a Irak Roberto Sanchez Ramos y Gerardo (de Gorky Teatro)
SIMULACRO DE BOMBARDEO
También el jueves entre las 22:00 y las 22:15 se intentarán apagar las luces como acto simbólico en todos los municipios de Asturias, con la colaboración de los respectivos ayuntamientos.
Unviao por sacabera a les 10:11 PM

 
GUERRA MEDIÁTICO, SURREALISMU VINDICATIBLE, PROPAGANDA... NOXU.

Un grupu d'artistes y activistes alternativos franceses faen manipulaciones de l'actualidá diario con resultaos ente ofensivos ya inquietantes y sobremanera cola denuncia de la guerra pasada pela peñera de la sociedá del espectáculu. Y los muertos y muertes siguen cayendo...

Unviao por sacabera a les 9:56 PM

 
CONVOCATORIES SELMANA 24 AL 30
Apórtanos dende la Coordinadora Ecoloxista d'Asturies un calendariu de movilizaciones pa esta selmana. Pasamos a incluyilu ensin más darréu:
Una vez más os informamos de aquellas actividades que hemos tenido conocimiento en la Coordinadora Ecoloxista. El objetivo de este resumen semanal es facilitar la participación en las actividades que se organizan.
Por motivos de sobra conocidos habrá durante la semana mas actos de protesta contra la guerra que los anunciados, porque hoy por hoy no conocemos, recordaros que en Uvieu y en Xixón ya hay Acampadas por la Paz.
- El lunes día 24 a las 19 horas, Reunión de Oviedo por la Paz en la tienda l'Arcu la Vieya.
- El mismo lunes a las 19 horas, Reunión de la Plataforma Contra la Guerra d'Avilés en los locales de CCOO.
- El martes día 25 a partir de las 19,30 horas, Reunión de la Plataforma Antiglobalización del Nalon en la casa de la cultura de Sama.
- El mismo martes a partir de las 19 horas, Reunión para preparar las iniciativas contra la represión en el Conceyu de la Moceda de Xixón.
- El miercoles 26, huelga de 15 minutos Contra la Guerra convocados por CCOO y UGT.
- El jueves 27 a partir de las 20 horas, Concentración Contra la Guerra en la Plaza del Ayuntamiento de Avilés.
- El mismo jueves a partir de las 19,30 horas, Concentración Contra la Guerra en la Plaza del Ayuntamiento en Sama.
- El mismo jueves a partir de las 20 horas, Concentración Contra la Guerra en la Plaza del Parchis en Xixón.
- El mismo jueves a partir las 20 horas, Concentración Contra la Guerra, frente al Teatro Campoamor en Uviéu
- El domingo 30 continua a las 12,30 la acción del Mural del Fontán antiglobalización en Uvieu.
Unviao por Administrador a les 1:31 PM

 
CONVOCATORIES
xueves 20 de marzu
20h 00' Concentración Contra la Guerra en la Plaza del Ayuntamiento de Avilés
19h 30' Concentración Contra la Guerra en la Plaza del Ayuntamiento en Sama
20h 00' Concentración Contra la Guerra en la Plaza del Parchis en Xixón
20h 00' Concentración Contra la Guerra. frente al Teatro Campoamor en Uviéu
Mañana vienres 21 a les 7 n'Uviéu manifestación

Unviao por Administrador a les 12:41 PM

 
A POQUES HORES DE LA GUERRA
La prensa escocés retrataba ayeri asina a Tony Blair. "PRIMER MOSTRU. Llévanos a la guerra ensin la ONU, Tony, y asina ye como te va xulgar la historia. Pol amor de Dios, home. NUN LO FAIGAS".

Unviao por Enr?quez a les 10:11 AM

 
OTRU PRESTIGE N'ASTURIES, OTRU PAUTU DE SILENCIU
Na web d'Ecoloxistes n'acción atopamos una denuncia de que dellos barcos-puxarra pue siguir saliando impunemente y poniendo en peligru, otra vuelta, les nueses costes.
La denuncia concreta ye "del buque ARAMO que entrará en el muelle de Raíces del Puerto de Avilés. Este buque de IMO nº 7427154 y construido en 1976, transporta alquitranes y esta incluido en la lista negra del MOU (The Paris Memorandum of Understanding on Port State Control)".
Mientres, si ún se pasea peles playes y cantiles asturianos pue siguir viendo porquería a espuertes y yá ye imposible nun sentir el fedor a pautu de silenciu ente'l gobiernu asturianu y el español, pa tornar la siempre peligrosa "alarma social".
Unviao por sacabera a les 10:49 PM

 
SELMANA MOVIDUCA
Como toles selmanes la Coordinadora Ecoloxista fai por esparder ente tol mundu les diferentes actividaes que se desendolquen nel país. Vien darréu tola retafila.

- El lunes día 17 a las 19 horas, Reunión de la Oviedo por la Paz en la tienda l'Arcu la Vieya.
- El martes día 18 a partir de las 19,30 horas, Reunión de la Plataforma Antiglobalización del Nalon en la casa de la cultura de Sama.
- El mismo martes a partir de las 20 horas, Reunión de la Plataforma contra la Guerra de la comarca de Avilés en los locales de CCOO.
- El jueves 20 a partir de las 20 horas, Concentración Contra la Guerra en la Plaza del Ayuntamiento de Avilés.
- El mismo jueves a partir de las 19,30 horas, Concentración Contra la Guerra en la Plaza del Ayuntamiento en Sama.
- El mismo jueves a partir de las 20 horas, Concentración Contra la Guerra en la Plaza del Parchis en Xixón,
- El mismo jueves a partir las 20 horas, Concentración Contra la Guerra, frente al Teatro Campoamor en Uvieu
- El mismo jueves durante todo el día, en el Cafe Cool en Xixón en San Bernardo Exposición sobre Vegetarianismo organizado por ALA (Liberación Animal).
- El viernes día 21 y el sabado 22, con motivo del Dia Mundial contra el Racismo y la Xenofobia se pondra una carpa encima de la Losa en Uvieu donde habra durante los dos dias habra talleres, charlas y diversas actividades. El viernes desde las 20 horas y el sabado todo el día.
- El domingo 23 continua a las 12,30 la acción del Mural del Fontan antiglobalización en Uvieu.

Amás d'esto destacar la iniciativa de delles persones y colectivos en Xixón consistente nuna concentración na Plaza'l Parchís con veles como muestra de solidariedá coles víctimes de la inxusta guerra que (si nun cambia muncho la cosa) va sofrir el pueblu iraquí. Ya dixo Bush esta güei que mañana ye un día clave... ¿que querrá dicir con clave? Aznar ya dexó claro tamién que nun ve falta nenguna d'una 2ª resolución de la ONU... pa mexar y nun char gota.
Unviao por El a les 1:32 AM

 
XORNAES DE PEDAGOXÍA
Apórtanos al weblog la comunicación d'estes xornaes entamaes pola Plataforma de la Educación Pública (¿Na facultá de pedagoxía de la Universidá d'Uviéu?) qu'embaxo la estructura d'un bloque temáticu que lleva'l nome de Interculturalidad tien estos conteníos:
Llunes 17
10:30 h. Inauguración de las jornadas. Sala de Grados
11:00 h. SAHARA: “El conflicto en el Sahara Occidental”. Impartida por Adalai Salama. Sala de Grados.
Martes 18
12:00 h. BRASIL:“El movimiento de los sin tierra y el “fenómeno” Lula”. Impartida por Javier Arjona, de Soldepaz Pachakuti. Incluye proyección de diapositivas. Sala de Grados
17:00 h. Inauguración de la exposición fotográfica “LA ALAMBRADA INVISIBLE”, de Alejandro Zapico. Planta
primera.
18:00 h. IRAK: “Un horizonte de colmillos y dolores”. Impartida por Alejandro Zapico. Sala de Grados.
Miércoles 19
16:30 h. “Diagnóstico del fenómeno inmigratorio en Asturias”. Impartida por José Ramírez de la Asociación Ciudadanos del Mundo.
18:00 h. COLOMBIA: “La encrucijada de Colombia”. Impartida por Javier Orozco, de C.U.T. Sala de Grados
Xueves 20
10:00 h. Taller intercultural. Sala de Grados
12:00 H Encuentro con inmigrantes. Sala de Grados
16:30 H: KOSOVO: “Conciencia asesinada en europa".Impartida por Rrezarta Abdili y Vlora Jashari, de Psicólogos Sin Fronteras. Sala de Grados.

Unviao por Administrador a les 12:36 AM

 
A LA GUETA D'UN MINERU ASTURIANU
Restolando pela rede pente una sinfinidá de páxines de conteníu políticu una nueche de vienres atopo daqué que me dexa intrigáu, una frase nun artículu entituláu "Por qué quiero tanto a los vascos" firmáu con seudónimu por una tal Teresa Puigmar que diz asina:
Voy amando a un Madrid que jamás fue derrotado. Tuvo que entregarlo un catedrático de ética -murió limpiando letrinas en una cárcel- y un minero que en gesto de suprema rebeldía seguía hablando aquel asturiano que le hizo famoso en un Parlamento olvidadizo de la calle. Ministros socialista que en nombre de "conseguir una paz honrosa" abocaron a la claudicación a un pueblo.
La mio ignorancia faime que nun tenga idea de quién y de cuándo se ta falando.

Unviao por sacabera a les 11:49 PM

 
IRAQ NUN YE UN VIDEOXUEGU
Queremos ver las caras de los niños, las mujeres y los hombres de Irak. Y queremos verles vivos. En sus calles. Nadie va a llamarles daños colaterales en nuestro nombre. Irak no es un videojuego.
Estes son les dures pallabres que podemos lleer na web del proyectu webcaminiraq.org que ta intentando instalar una webcam n'Iraq, que recueya l'ataque nuna cai iraquina, reproduciendo la imaxe en sinfinidá de llugares de tol mundu.
Ye l'intentu de da-y la vuelta al conceptu de guerra-espectáculu que presumiblemente van entamar los medios de comunición y amosar el so impactu na vida de la xente cenciello iraquino.

Recordamos tamién qu'esti sábadu hai convocada una manifestación y delles marches contra la guerra n'Asturies y en tol mundiu (anque los métodos y los compañeros de viaxes dean un poquiñín de perceguera dacuando, la xusticia de la causa paga la pena).
Unviao por sacabera a les 11:20 PM

 
DIEZ AÑADAS DE CHOBENALLA
El sábadu pasáu (Día de la Muyer) celebrose en Zaragoza'l décimu aniversariu de Chobenalla Aragonesista, organización moza venceyada a la Chunta Aragonesista. Una delegación de MIAS asistimos a los actos entamaos pa festeyar el trabayu, el pasáu y sobre too el futuru d'esta organización moza con un fondu caláu soberanista y d'esquierda . Amás de nós hebo otres organizaciones de mocedá que participaron como foron Juventudes Comuneras (de Castiella), Conceyu Xoven (de Llión) o les JERC (Joventuts d'Esquerra Republicana de Catalunya). Nun ambiente folixeru más de 700 persones baillaron nel conciertu entamáu pa la ocasión al son de los cantares de Skabeche, Azero y Prau, grupos con un soníu enforma contundente que nun desaprovechaben un ris pa llamar a la mocedá aragonesa a la movilización y a la rempuesta frente a les agresiones polítiques, sociales y medio-ambientales que sufre esti país.

L'ésitu de la convocatoria (munches persones quedaron ensin entrada) foi ablucante y l'ambiente que se respiraba enforma prestosu. A les meses de colectivos de toa triba con materiales internacionalistes, feministes, ecoloxistes... sumábase la una llucha de la que sabemos abondo equí, nel nuestru país, la llucha pola dignificación del idioma aragonés o esi clamor popular que ye'l NON al Plan Hidrolóxicu Nacional. Hebo momentos abondo emotivos como cuando les delegaciones de tolos países convidaos xubieron al escenariu de la sala Delicias con una pancarta pola lliberación nacional d'Aragón.

Hai unos años la organización vasca Zutik celebro el so III congresu onde ún de los testos estrella entitulábase "Por Un nacionalismo acogedor y creativo". Nun sabemos si esi camín foi quién a abrise n'Euskadi pero si daqué quedó claro esta fin de selmana ye que'l nacionalismu aragonés puede ser un espeyu onde mirase. Al contrariu de lo que'l pensamientu "dominante" quier facenos ver, ye posible trabayar pola soberanía del própiu pueblu dende presupuestos d'esquierda, ensin dogmatismos ferruñosos nin altanería testosterónica. Estos mozos y moces d'Aragón tán, de la que trabayen pol so país, poniendo escuela de como construyir un nacionalismu dende cuasi la nada y de cómo facer ver a los de siempre (esos a los que Labordeta mandó a la mierda énte'l continuu despreciu que-y amosaben) que los pueblos inda tienen muncho que dicir, pa la xente y cola xente. Enanchando'l camín. Pues eso collacios: ENTALTO ARAGON !!

PS: Naide nun puede imaxinar lo que ye sentir na capital maña a cientos de persones glayando al altu la lleva: "independencia!!, Puxa Asturies Dixebrá!!" darréu d'escuchar la intervención del representante de Mocedá d'Izquierda Asturiana (MIAS).
Unviao por Administrador a les 4:00 PM

 
Ayeri nun s'escribió y güei paez que tampoco. ¿Ta la xente del weblog inda p'Aragón o ye que la fin de selmana cuesta caltener el ritmu?
Unviao por Enr?quez a les 6:27 PM

 
8 DE MARZU
Anque la derecha tea consiguiendo pasu ente pasu, seliquino, dir inoculando na sociedá la falacia de la equiparación de feminismu y machismu, anque s'entamen a cuestionar les polítiques de discriminación positiva, anque'l movimientu feminista tea secuestráu en dellos aspectos pola estancia nel poder del psoe n'Asturies, persabemos que la llucha feminista ye tán necesaria como siempre porque los valores de la sociedá patriarcal siguen enraigonaos, dacuando amazcaraos, nel fondu de les nueses cultures, de les nueses cabeces. 719 denuncies por violencia de xéneru n'Asturies nel añu 2002 ye una cifra que fala sola.
L'homenaxe a la muyer trabadora, a toles muyeres, acompañámoslu del nuesu deséu de qu'un movimientu feminista reivindicativu y con capacidá de presión vuelva a aniciar n'Asturies lideráu poles moces y muyeres que n'organizaciones o individualmente lluchen agora yá por una de les causes más xustes y universales de la humanidá.
Polo que nos toca prometemos un esfuerciu pola feminización d'esti weblog.

Per otru llau CSI, Andecha de Moces da-y al Dengue, Males y Perverses, Tribunal Permanente de Crímenes Contra la Mujer, Mujeres Reb/velándose y SUATEA convoquen, a las cinco de la tarde de güei, una concentración en la plaza'l Parchís de Xixón.
Unviao por Enr?quez a les 11:01 AM

 
¿REQUIEM POL PUEBLU KURDO?
Quiciabes sía esti un títulu mui pesimista pero la llegada de la guerra del petroleu que va entamar l'Imperiu contra Irak va otra vueta a dexar a los kurdos en tierra de naide y sobre manera ensin tierra propio.
Nel pasáu Festival de Cine de Xixón el director kurdu Bahman Ghobadi entraba nun coloquiu colos espectadores depués de la proyección de la so perguapa película "Marooned in Iraq" (Canciones de la mio patria) -el paréntesis desapaeció del títulu col que s'anunció la película- y, amás de destacar l'alegría y l'humor del so pueblu, pal que la guerra ye una parte impuesta de la so cultura, falaba en contra de la guerra que vien "porque sabemos que los que siempre nos abandonaron van volver a facelo y porque los americanos son los mayores xenocides del sieglu XX". De toles maneres los que tuviemos ellí pudimos lleer ente llinies como lo más del pueblu kurdo que vive n'Irak ta esperando que, de dayuri, venga l'argayu definitivu que-yos quite d'enriba la velea del so xenocida particular; Sadam Hussein.

De toles maneres el gobiernu turcu yá anunció que va invadir el territoriu kurdu iraquí si hai "tentaciones" d'establecer un estáu independiente. L'estáu del Kurdistán, que paeció ser un fechu a puntu de consiguise nel periodu d'enteguerres, vislumbrase yá como una utopía mui mala d'algamar nel sieglu XXI.
P'averase al Kurdistán y a les traxedies, alegríes y vida d'esti pueblu recomendamos una de les páxines más orixinales, guapes y prstoses de la rede, Akakurdistan, na que nun proyectu que partió d'un llibru y qu'agora sigue garrando forma y modificándose na rede podemos ver decenes d'histories particulares (organizaes por feches y xeograficamente) coles que reconstruyir la memoria d'esti pueblu maltratáu pola historia.

Unviao por sacabera a les 7:56 AM

 
CAMPAÑA POL REFERENDU NEL SÁH.ARA OCCIDENTAL

La Plataforma Cívica Asturiana de Sofitu al referendu nel Sáh.ara Occidental plantega una actividá bien guapa nesti mes de marzu pa esparder pente la sociedá la idea pola que lluchen. El plan ye asitiar urnies per dellos llugares del país cola fin de que la xente vote nun referendu simuláu. Amás de la "performance", esta plataforma va garrar los datos de tolos que participen na votación como si fore una recoyida firmes. Apúrrovos darréu tolos datos:

Entruga del referendu:
¿Ta vusté d'alcuerdu en que Naciones Xuníes celebre ceo'l referendu d'autodetermín pal Pueblu Sah.arianu, y que'l gobiernu español lo desixa dientro'l Conseyu Seguridá?

Calandariu:
Del primeru al selce de marzu.

Llugares:
1 y 2 de marzu: Occidente, Noreña y Grau.
1, 2 y 8 de marzu: Uviéu.
4 de marzu: La Pola Siero.
8 y 9 de marzu: Xixón, Caudal y Carreño.
8 de marzu: La Felguera.
10 de marzu: Sama Llangréu.
15 y 16 de marzu: Avilés, Corvera y Castrillón.
Del 1 al 16 de marzu: Universidá ya Institutos.
Del 1 al 16 de marzu: Estremaes empreses per aciu los Comités.
Otros llugares, entá ensin data.

El sitiu na rede d'Asociación Amigos del Sáh.ara d'Asturies ye: http://www.telecable.es/personales/jujoai/index.html

PRECISEN XENTE PA "LES MESES ELEUTORALES" Y PA 'CHAR UN GABITU EN XENERAL.
Unviao por Lluz a les 11:29 PM

 
CONCENTRACIÓN MIÉRCOLES 12 POR UNA TV N'ASTURIANU
Hai unos díes comentábemos nel weblog que yera inminente l'aprobación d'una Llei de TV que vuelve xorrascar un tema incuestionable; el despreciu y la marxinación a los falantes de la llingua asturiana.
Güei aporta hasta estes páxines una convocatoria fecha dende la Xunta Pola Defensa de la Llingua Asturiana, que lleva recoyíes más de 20.000 firmes a favor d'una TV n'asturianu 100%, reivindicación que nós apoyamos dafechu. Axuntámosla darréu:
Concentración, miércoles 12 de febreru a les 19:00 hores na Cai Fruela (frente Xunta Xeneral).
El prósimu 14 de febreru el PSOE va aprobar una Llei de Radiotelevisión Asturiana que, otra vuelta, arrequexa y marxina la llingua asturiana y nun cubre los derechos de los y les asturianofalantes de cuntar con medios de comunicación na so llingua.
La Xunta pola Defensa de la Llingua Asturiana convócate a participar, el día 12 de marzu, nesta concentración na que se va empapelar la Xunta Xeneral coles firmes recoyíes nel añu 2002 na campaña por una TV n'asturianu y que se fai con un lema que dende'l nuesu puntu de vista pue atropar toles postures.
Afalámosvos tamién a unviar comunicaciones a los medios de comunicación posicionándovos en contra d'esta llei.
Pa cabu, pidímosvos qu'informéis d'esta convocatoria a otres persones que puedan sofitanos.
¡QUÉ SE SIENTA LA NUESA VOZ!


Unviao por sacabera a les 8:47 PM

 
WEBLOGS: MURIES, PÚLPITOS Y ALCUENTROS
Esti espaciu ta recibiendo estos díes abondes visites y dellos comentarios que tán aportando per e-mail. Una de les cuestiones que más se planteen ye la de ¿qué ye un weblog?. Anque yá hai millones del persones nel mundu qu'usen esta forma de comunicación y espresión danos la impresión de qu'esti ye ún de los primeros weblogs o blogs que se faen n'Asturies
Un blog o weblog ye, tas viéndolo agora, una página web, na que s’escriben mensaxes o comentarios que suelen ser curtios, delles vegaes con imáxenes y dacuando sólo con imáxenes, que tien una frecuencia alta d’actualización y que ta ordenada cronoloxicamente. Cuando, representen pures espresiones individuales, cuando, son ferramientes de discusión y trabayu colectivu.
El portugués José Mario Silva nel Diario de Noticias, comenta mui acertadamente que "Cada blogger [persona qu’escribe nun blog] que mantém um espaço destes pode fazer dele o que muito bem entender: um diário íntimo, um jornal de parede, um museu de glórias pessoais, uma tribuna para discussão de ideias, um púlpito para polémicas, um ponto de encontro ou um muro das lamentações”. ¿Qué fadremos nós d'esti? Esperemos que vaiga p'acullá de la pura lamentación...
Pues lleer equí l'artículu enteru.

Unviao por Administrador a les 11:02 AM

 
L'ANORMALIZACIÓN DEL ASTURIANU N'AVILÉS (I)

L'Ayuntamientu d'Avilés vien dexando ver, cada vegada más, cuála ye la so actitú pa col asturianu. Los programes d'actividaes que mos apurren (con colorinos, semeyes y pih.aduques asgaya) son preba d'ello. Primero foi'l d'AUPA (Aules Populares d'Avilés), un cartafueyu billingüe (castellán-xirigoncia, xirigoncia-castellán) nel que s'asturianizaben los nomes de personaxes ilustres dafechu alloñaos a la cultura asturiana mentes que La Xuncarosa/La Lluz siguía siendo La Luz, o una preba de sidre yera un tastu de sidre (sic), y pa qué entrar n'ortografíes y gramátiques...
Agora ta acabantes anunciase la quinta edición d'AUPA (de les que como proyeutu nun voi falar nesti intre, pero non por nun haber coses asgaya que cuntar...) y el nivel de respetu col asturianu nes sos espublizaciones propagandístiques sigue siendo'l mesmu: dengún.

Pero ye qu'amás d'AUPA, tán los del Abiertu (hasta'l Riscar / l'Amanecer / l'Alborecer...), a los que paez ser qu'esti añu entró-yos el rixu de ponese a xugar cola llingua (digo yo que podíen enxertalo nel so perprobetayu programa como "Estropiái l'asturianu ensin complexos", taría guapo pa les nueches de los vienres, por exemplu)... Bono, el casu ye qu'a la fin y siguiendo'l camín d'AUPA, l'Abiertu ufriónos un programa billingüe (al estilu AUPA) y con espacios pal refuerzu de la identidá propia, un bon exemplu foi una de les nueches temátiques entitulada: "Qué ye, o!" (sic), con una riestra actividaes rellacionaes col nuesu país.

Pa finar con esti esperpénticu rellatu, paga'l tiru solliñar lo qu'asocede tolos años per estes feches col programa del antroxu avilesín (que per otru llau y ensin igua, cada añu val pa menos). Nesti 2003, Avilés faise romanu dafechu (eso ye lo que dicen ellos), y ente regatos d'espluma, alcohol y una gayola prefabricao que yá nun creye cuasi naide, el programa sigue siendo l'espeyu de lo que-y esmuel la nuesa llingua a esti Conceyu ¿socialista?...

H.a, h.a, h.a... (perdonáime, dame la risa, ye que tamos n'antroxu y paez que too importa, quiciabes, entá menos).

Como les versiones "billingües" d'AUPA y Abiertu nun tán na web del Conceyu, polo menos podéis echa-y una güeyada a la del Antroxu:
www.ayto-aviles.es/antroxu/index/htm


Unviao por Lluz a les 3:18 AM

 
EGUNKARIA: ¿ÁU TA LA NOTICIA?
Esta selmana el diariu El PAIS incluyía una carta al director na que se criticaba l'enfoque que se diera en Televisión Española a la noticia de la detención d'un "sicariu colombianu" contratáu por un empresariu español pa matar a un xuez. El llector planteaba que la noticia yera que daquién contratara a daquién pa matar a un xuez, pero que la noticia convirtiérala la TV en que había sicarios colombianos (o sea "estranxeros") que veníen a matar xente nun claru intentu de terxiversar la noticia y provocar una reacción xenófoba na ciudadanía.
Dende'l nuesu puntu de vista daqué asemeyao pudimos ver nos enfoques daos nel propiu EL PAIS y n'otros medios nun primer momentu a les noticies rellacionaes coles presuntes tortures a los deteníos na operación del pieslle d'Egunkaria. Asina, la noticia de que delles persones denunciaben tortures (fechu que rescamplaba nos diarios Gara y Deia) convertíase nel Correo y na prensa estatal en que Acebes diba querellase contra los ciudadanos que denunciaben tortures. Un exemplu más de como les dinámiques frentistes y apriorístiques que se dan n'Euskadi condicionen les visiones y voltien les impresiones -cuando d'esti llau, cuando del otru- y los acentos colos que se tresmiten les noticies hasta un puntu peligrosu que ta na llende de la información veraz. Y ello dicho ensin pretender una supuesta oxetividá absoluta nin de comparar coses que nun tienen comparanza.
De toles maneres esto quiciabes nun seya más qu'una anécdota nun escenariu que pinta bien buxu y nel que cada día se ve más lloñe un escenariu de paz y reconciliación. Nun ta mal lleer nesti momentu el personal y esclarecedor testu De Euzkadi a Euskadi de Bernardo Atxaga.

Unviao por Enr?quez a les 11:06 AM

 
EL BNG Y LA HISTORIA DE GALIZA: DINÁMIQUES INFERNALES
La interpretación de la historia del so país que ta faciendo'l nacionalismu gallegu oficial entama a garrar un carís que ye pa esmolecer a cualquier persona que piense que -independientemente de les ideoloxíes, les estratexes y les necesidaes d'autoafirmación- hai que tener un mínimu de rigor nel análisis. L'últimu episodiu ye la última pregunta presentada pol diputáu del BNG Paco Rodríguez a la Mesa del Congesu de los Diputaos.
Partiendo d'un fechu nada censurable; lleer la historia del so país en positivo y desenmazcar la historiografía nacionalista española, dellos historiadores gallegos tán potenciando una llectura que niega la esistencia del reinu d'Asturies y que, basándose en delles fontes musulmanes y carolinxes (mayormente) intenta asitiar a Galicia como la continuidá histórica de la Gallaecia romana.
Val dios qu'ente los historiadores gallegos hai xente que, con una visión gallega tamién, tenta de que la historiografia del so país nun caiga nos mesmos errores y manipulaciones que cayó la española.
Como diz Carlos Barros nuna interesante reseña del llibru de Camilo Nogueira "A memoria da nación. O reino de Gallaecia", base importante de munches d'estes interpretaciones, "para cuestionar a historiografía castelanista de Menéndez Pidal escóllese o mesmo terreo político-institucional. Tería a súa lóxica, pero é unha lóxica infernal: unha verdadeira trampa historiográfica". Comenta Barros tamién que "a denominación de galegos atribuida hoxe en América Latina a todos os emigrantes españois non converte automaticamente ó Estado español nun Estado galego".
Por ciertu ¿Ù les y los historiadores asturianos?

Unviao por Enr?quez a les 1:48 PM