Comentarios sobre l'actualid· d'Asturies y del mundu por persones venceyaes a Izquierda Asturiana (IAS) http://www.ias.as Los comentarios nun representen necesariamente los posicionamientos del partÌu sinon de les persones que los escriben. M·ndanos los tos comentarios o aportaciones a contacta@ias.as

 
PARTÍU SOCIALISTA ESCOCÉS Y VERDES; SORPRESES EN ESCOCIA
La selmana pasada foron les elecciones n'Escocia y Gales. Quiciabes lo más destacao, ensin querer facer nenguna comparanza, siquiera lliteraria, con Asturies, foron delles tendencies que se tán marcando nesi país nel que la política electoral ta entamando a garrar aire fresco gracies a la introducciçon nel sistema electoral del Parllamentu "devueltu" apocayá, d'un sistema semiproporcional que-yos da oportunidaes a les minoríes.
Los Verdes pasen d'un a 7 diputaos, nun resultáu que taba más o menos previstu, quiciabes non con tantu puxu, los independentistes del SNP baxen abondo y arrecostinen una decepción pergrande; delles encuestes dáben-yos una suba y la posibilidá de raspiar el númberu d'escaños de los Llaboristes. A les y los que tenemos una visión del mundu dende'l nacionalismu d'izquierdes, l'internacionalismu y el radicalismu democráticu préstanos el resultáu del SSP. Un partíu independentista que munchos definen como d'izquierda radical y antisistema que llucha por una república escocesa independiente, que pasa d'ún diputáu (Tommy Sheridan, na semeya de baxo) a 6 y qu'algama hsta'l 20% de los votos en delles xones de Glasgow.


Ye curioso ver nel so programa como xunto con un discursu clásicu d'izquierda radical y una estética y propuestes averaos a los movimientos antiglobalización (mui prestoso too por cierto), el modelu económicu que se pon como exemplu ye'l de la defensa de lo público y el modelu fiscal de Dinamarca o Noruega.
Y ye que una dosis de saber onde se pisa y en que mundu vivimos nun vien mal a naide... ¿nun ye verdá?

Otru día yá falamos de Gales...
Unviao por sacabera a les 10:47 PM