Comentarios sobre l'actualid· d'Asturies y del mundu por persones venceyaes a Izquierda Asturiana (IAS) http://www.ias.as Los comentarios nun representen necesariamente los posicionamientos del partÌu sinon de les persones que los escriben. M·ndanos los tos comentarios o aportaciones a contacta@ias.as

 
El paraisu lliberal


Ye bien raro, a estes altures de la película, ver a un gobiernu nacionalizar empreses. Al llabor de entidaes como la Organización Mundial del Comerciu (impulsor de delirios neollibelares como'l AXCS) , Fondu Monetariu Internacional y otres tantes, hai que sumar tamién l'asunción pela parte de la clase política del "Fin de la Historia" del prolíficu (en tochaes) Francis Fukuyama. Con esti cuadru políticu y mediáticu abulta sorprendente ver a un gobiernu, el llaborista de Tony Blair, renacionacionalizar los ferrocarriles británicos.
Allá pel añu 96, depués de dellos procesos de "reestructuración" llegó la privatización d'un serviciu públicu que, como nel casu de los ferrocarriles británicos, yeren l'arguyu de los sos trabayadores faciendo un serviciu enforma granible. Agora, unos cuantos años depués, naide discute ya que tala privatización, de la que se beneficiaron 7 firmes privaes foi un desastre tremendu que costó nel casu más suave una perda de calidá de serviciu (con retrasos y averies permanentes) y nos más graves vides humanes tres aparatosos accidentes.
Pues agora, 7 años depués, ye'l gobiernu del lider de la nueva socialdemocracia, de la tercer vía, Toni Blair el que tragando sapos asume lo inasumible na concencia d'un neolliberal (por camufláu que tea) que l'estáu asuma el caltenimientu d'un serviciu básicu pa la ciudadania.

P.S: Agora qu'escribo esti post paez que se me ta apeteciendo ver la película de Ken Loach "The Navigators" (traduccida al español como "La Cruadrilla") que toca bien de cerca esti tema.



Unviao por reteyón a les 2:53 AM

 
LA (prensa) CRÍTICA EN CASA


Plácido Menéndez Arango ye persona bien conocida nos ámbitos de la izquierda asturiana. Partiendo de postures claramente republicanes, asturianistes y progresistes vien densendolcando la so actividá n'organizaciones como l'Atenéu Republicanu ó Attac-Asturies ente otres.

Dende va tiempu Plácido vien faciendo por esparder aquelles idees que dende bien de medios (normalmente prensa escrito) de tol mundu acueyen un requexu pa la crítica y l'análisis posáu dende perspectivES (un plural bien grande) antagonistes. Si va bien poco delles persones recibíemos tolos díes una riestra de mails con una esbilla d'artículos de prensa que tocaben los temes más variaos, agora, cola web de La Joven Asturias, podemos esfrutalo d'una manera más amañosa.... y sobre too, n'abertal, pa que naide nun pueda dicir que nun conoz les (imprescindibles) opiniones de xente como Fernández Buey, Naomi Klein, Daniel Raventós, Eduardo Galeano, Luis Arias Argüelles-Meres,...

Por nós nun va ser, espardemos y afalámosvos a qu'espardais la "bona nueva": La Joven Asturias de Plácido Arango.
Unviao por Administrador a les 2:21 AM

 
TINI SEÑALIZA LA LLINGUA Y OVIDIO ÉCHALA A PACER Como denuncia la Xunta nel so últimu comunicáu la ufierta del nuevu gobiernu PSOE-IU(BA) pa la política llingüística ye un Plan de señalización.
Esta va ser una de les señes d'identidá del nuevu gobiernu en materia llingüística, la redefinición de conceptos como "normalización llingüística" que yá tán definíos cuantayá polos sociollingüístes. Agora'l PSOE saca de la manga que la normalización ye "sacar de la crispación l'asuntu llingüísticu y que cadún pueda espresar les sos idees sobre'l tema".
L'asuntu ye saber quién y vendió qué moto a quién ¿ye esi conceptu de normalización el que-y vendieron Valledor y Palacios al PSOE o ye lo que'l PSOE quixo entender y por eso tragó con esi conceptu?.
Nun pue cayer embaxo a naide que la "normalización social" d'una llingua ye un conceptu duru, que ta referíu al usu social, y por supuestu de l'alministración. Y la meyor y única forma de normalizar l'asturianu ye usándolo.
Daba perceguera ver nel debate de política xeneral celebráu apocayá al "muñecu" Ovidio Sánchez diciéndo-yos a los portavoces del PSOE y IU "ustedes defienden el asturiano pero luego no lo usan".
Esti Ovidio qué coses tien...


Unviao por sacabera a les 6:43 PM