Comentarios sobre l'actualid· d'Asturies y del mundu por persones venceyaes a Izquierda Asturiana (IAS) http://www.ias.as Los comentarios nun representen necesariamente los posicionamientos del partÌu sinon de les persones que los escriben. M·ndanos los tos comentarios o aportaciones a contacta@ias.as

 
L'ALCORDANZA Y LES FUEXES DEL ESCAEZU.

Como bien sabreis munchos y munches esti miercoles, 28 de xineru, el programa de TVE Documentos TV va pasar a les 23 hores, el documental "Las fosas del olvido", nel que se fala de les 30.000 persones desapaecíes na guerra civil y del trabayu que l'Asociación pa la Recuperación de la Memoria Histórica ta faciendo p'alcontralos.

Dende ésta asociación ta faciendose un llamáu xeneral a la población pa que esi día teamos toos y toes delantre'l televisor col oxetivu de q'arriendes de les cifres d'audiencia que s'algamen se dea muestra del respaldu cívicu al llabor que tan llevando alantre.

Con too y con ello, pa qu'esti weblog cumpla'l so cometíu como elementu de debate amestamos darréu delles de les conclusiones d'un comunicáu publicu vertíu pola Asociación de Familiares y Amigos de Represaliados de la II República por el franquismo:

....
....
"La Asociación de Familiares y Amigos de Represaliados de la II República considera que las fosas comunes deben ser declaradas LUGARES DE LA MEMORIA, patrimonio y herencia de la Democracia española, y como consecuencia de ello, deben ser identificadas, catalogadas y marcadas geográficamente por las Comunidades Autónomas en razón de sus competencias de política cultural y declaradas monumento histórico"
....
....
"En los últimos años, superado el miedo, muchos familiares y compañeros de esas víctimas, ya sea en solitario o apoyados por diversas asociaciones, preocupadas por la conservación de la memoria de la represión política durante el franquismo, han puesto en marcha diversas acciones para localizar estas fosas olvidadas o desconocidas y dignificar la memoria de todas las víctimas. Son actuaciones que nuestra asociación apoya con decisión. "

"La mayor parte de estas fosas rurales corresponden a asesinatos que pueden considerarse como el resultado de ejecuciones ?extrajudiciales?, es decir decididas y llevadas a cabo por individuos y grupos facciosos identificados, al margen de las decisiones, también criminales, llevadas a cabo por los conocidos Consejos Militares de las autoridades armadas franquistas."

"....
Ante la masiva campaña que se está realizando por Internet para que todo el mundo vea el documental sobre las fosas comunes que TVE emitir?, el próximo día 28 de enero de 2004, en "Documentos Televisión", la Asociación de Familiares y Amigos de Represaliados de la II República , pide a quienes se interesen por conocer el contenido del documental citado que lo analicen con espíritu crítico de izquierdas, y:

1. Que consideren si los desenterramientos y el concepto de "entierro digno" e individual que propugna la ARMH contribuye en realidad a rescatar y conservar la Memoria Histórica colectiva de la lucha y la represión antifranquista o si su resultado es en realidad hacer desaparecer los LUGARES DE LA MEMORIA DE LA REPRESIÓN.
2. Que valoren que la recuperación de algunos de los cuerpos por algunos familiares significa que los restos de sus otros compañeros y compañeras de aquella desgracia colectiva queden abandonados en almacenes de universidades sujetos de manipulaciones y estudios arqueológicos o antropológicos y terminen olvidados en un osario anónimo de un cementerio.
3. Que consideren si los recientes entierros llevados a cabo por el rito católico, por decisión de algunos familiares, respetan realmente las posibles creencias laicas de los republicanos asesinados.
4. Que analicen si la exposición pública, en especial a través de los medios de comunicación, de los restos de los republicanos asesinados respeta la dignidad y el honor de los muertos y de los vivos y si el resultado de estas campañas mediáticas contribuye en realidad a desviar la atención de la opinión publica sobre el hecho realmente importante: el asesinato y desaparición de los demócratas españoles por el régimen militar franquista. "


Con estes notes pal debate zarramos esti post al tiempu que vos encamentamos a qu'esti vienres faigamos un pequeñu exerciciu d'activismu (mui cómodu esta vegada) pa caltener la memoria daquelles persones que dieron la vida defendiendo un mundu meyor, más xustu, llibre y solidariu énte l'avance implacable del facismu en toa Europa.


Y pa nun escaecer lo meyor ye lleer Testimonios como estos.. tamién ye recomendable la web Paisajes de la guerrilla no tocante a la Guerrilla n'Asturies y Cantabria.
La semeya ye d'Antonio, fiu del enfermeru Antonio Piedrafita García, un de los asesinaos de Valdediós.

Unviao por Administrador a les 6:33 PM

 
LA FAMILIA BÁSICA

Na edición del selmanariu Les Noticies del pasáu 4 de xinero apaecía una entrevista con Laura González, conseyera de Vivienda y Asuntos Sociales (buque insignia d'IU-BPA nel gobiernu asturianu). Pues bien, la entrevista de marres nun tien desperdiciu. El filu argumental del discursu de la perconseyera ye'l que sigue: lo malu que ye'l PP que nun nos dexa perres a les autonomíes pa facer polítiques sociales --> Vamos facer una política de vivienda progresista (15000 viviendes) --> Pal 2005 va echar a andar el Salariu Social*.

Nun vamos a entrar con fondura en nengún de los tres temes, tampoco ye'l papel d'esti weblog, pero si a comentar delles coses. No primero (la intrínseca maldá del PP) sí tamos d'alcuerdo. "Yo lexislo, tu pagues" resume perfectamente la política de la derecha española énte les autonomíes. Lo de la vivienda ya ye otru cantar, 15000 viviendes abulten munches viviendes ensin que se desplique d'onde van sacar les perres y el suelu. Con too, sí da delles pistes que más qu'iguar la cosa faen por char más fumo en tala cuestión. Laura González fala de grupos a los que va apoyase de manera más o menos esplícita: D'un llau va tar la vivienda social concertada, y ella mesma asume que ta destinada a FAMILIES con unos ingresos d'ente 3 y 4 millones al añu. Taríemos falando en tou casu de viviendes d'unos 20 millones de les vieyes pesetes. Per baxo d'esti colectivu taríen aquelles persones que nun algamen esi nivel de renta... equí entama'l follón. La conseyera diz que pa la xente que nun tenga'l salariu mínimu interprofesional destinaranse les viviendes sociales. Más alantre énte la entruga d'a quién van dir destinaes les susodiches viviendes sociales la rempuesta ye ablucante: "Pa la xente que nun podia pagar 30 o 40 millones de pesetes... por eso la idea de poner pisos a 20 millones". Ún debe ser mui curtiu, ¿insinua la conseyera que teniendo unos ingresos que nun lleguen al Salariu Mínimu Int. pueden pagase 20 millones de pesetes? ¿Ye una broma?... Darréu acaba reconociendo que pa la xente que tea en condiciones inda piores "tamos entamando ayudes al alquiler". Bueno, val, pero eso ya lo había (en Xixón mesmo)...

Total, nin una palabra que dea rempuesta al la entruga que mos facemos la mayoría de la xente mozo: La xente que tien trabayu, que cobra más del S.M.I. pero que tamos con contratos eventuales y en precario ¿onde vamos? ¿a pagar 20 millones?... La rempuesta que se saca indirectamente ye: alquilando que ye xerundiu. Díxolo Xosé Lluís García Arias falando d'otru de los pufos del gobiernu de la esquierda plural: "para este viaje no hacían falta alforjas".

Y p'acabar vamos a otru de los temes estrella de la campaña electoral d'IU-Bloque: la Renta Básica. Yá de mano na mesma entrevista apaez una sopa de nomes que dan la risa: Renta Básica Social (sic), Salariu Social, Salariu Social Básicu... Siguiendo col conteníu de la entrevista la cosa nun meyora precisamente. Cuando fala de los destinatarios d'esa "cosa" (nun sabemos como llamalo) sal lo que vien darréu: "FAMILIES con renta baxa, emigrantes retornaos que vuelven ensin nada, xente nuevo con cargues FAMILIARES, inmigrantes..."

Con esti tema había qu'esclariar dellos asuntos:
a) Que s'aclaren. Meses primero de les elecciones entamáronse dende IU contactos colos movientos sociales pa discutir el modelu a implantar de Renta Básica (con esi nome). Dende les elecciones "nunca más se supo". La xente que tamos n'aquellos movimientos sociales colos que tantu interés había en falar tamos enterándomos de too pela prensa.
b) Que s'aclaren (y II): N'aquellos contactos falábase claramente de "Renta básica". Nun voi nesti post a desplicar lo que ye y lo que nun ye la Renta Básica... pero que naide dude que nun tien nada que ver colo que cuenta doña Laura. De lo que ye un derechu ciudadanu individual, incondicionáu, universal... a esta "cosa" va un trechu. Pero bueno, eso pa otru post.
c) Que nos aclaren cómo, cuando y por qué: Ye bien fácil d'entender. Ún de los drames que vivimos les persones que tamos na esquieda social ye'l de nun ser a cotexar datos. Y cuando digo datos refierome a datos FIABLES de fontes FIABLES. Lo que nun ye serio ye que un gobiernu tan "progresista" nun disponga de la informacion necesaria pa afitar polítiques "progresistes". Esto pasa en munchos temes (un exemplu: danse llicencies a grandes superficies y énte la entruga d'un axente social sobre estudios d'impactu nel comerciu y l'empléu del país la rempuesta del Director Xeneral de Comerciu ye: "Nun hai"), pero nesti ye especialmente grave: La probitú de l'Asturies de la "esquieda plural" sábese por un estudiu de... ¡¡CARITAS!!. El qu'esto escribe nun tien nada contra tala organización pero ¿Ye serio prometer "daqué" en base a un estudiu d'una ONG?. En fin, pa mexar y nun char gota.

Total, d'una entrevista de dos fueyes ¿qué sacamos? Nada concreto, namás que la señora conseyera ta fondamente "esmolecía" por ayudar a les families asturianes (namás-y faltó apostillar "heterosexuales"). Pues eso: ¡¡a casase y tener fiyos!!.

PS: La imaxe grande ye la portada (de cuestionable gustu estéticu) d'un llibru imprescindible p'afondar nún tema tan interesante como ye la Renta Básica. Publicáu por Virus contien testos de xente como Agustín Morán, Tomas Etxabe o Philippe Van Parijs (el verdaderu impulsor de la RB) . Otru llibru imprescindible ye "La Renta Basica" de Daniel Raventós, presidente de la Rede Renta Básica y defensor de la xustificanción llibertariana y republicana.
Unviao por reteyón a les 6:34 PM

 
2.004 ¿L'AÑU D'IAS?
Ente la crisis que ta viviendo nestos momentos la izquierda nacionalista asturiana y el nacionalismu asturianu en xeneral, entama vese lluz a la fin del túnel.
Quien sabe si nun sedrá pecar d'optimismu infundáu... pero hai un fechu ciertu, la corriente de simpatíes qu'Izquierda Asturiana tien dende cuantayá entama a tresformase nuna medría grande d'afiliaciones al partíu, que nos dos caberos meses de 2.003 notóse de forma especialmente bultable.
Quiciabes seya pecar d'optimistes pensar que tamos a la puerte d'un despegue definitivu d'esti proyectu más necesariu que nunca nun momentu de redifición del modelu d'estáu, de desanicie o estancamientu de les opciones polítiques asturianes, de fonda desilusión polos resultaos del pautu de gobiernu...
Traya lo que traya esti 2.004, deseyámos-yos a toos y toles que mos lleen una bona entrada d'añu.
Unviao por Administrador a les 6:47 PM