Comentarios sobre l'actualid· d'Asturies y del mundu por persones venceyaes a Izquierda Asturiana (IAS) http://www.ias.as Los comentarios nun representen necesariamente los posicionamientos del partÌu sinon de les persones que los escriben. M·ndanos los tos comentarios o aportaciones a contacta@ias.as

 
¿GANAR AL CAPITALISMU NEL SO TERREN YE ASIMILASE?
Un de los debates más interesantes nes últimes selmanes nel movimientu antiblobalización, o como se diz agora altermundialista (sábelo bien Mendiluce, que pa eso viaxa per Europa), ye la iniciativa de la xenial revista canadiense Adbusters de poner en mercáu un modelu de playera que-y faiga la competencia a Nike, ún de los oxetivos de Adbusters y de tul movimientu anticapitalista mundial, que garró esta empresa como símbolu d'estratexa de mercáu y d'esplotación de trabayadores. El modelu propuestu ye una versión de les nomaes Converse, una marca que mercó Nike hai unos meses y el métodu ye cenciellu. Faen falta 250.000 dólares pa fábricar el productu, y trabayase sobre pidíu. Ye dicir cuando 5.000 persones aseguren que van mercar les playeres y pongan les perres, van entamar a fabricales. Tamién s'almiten donaciones pa espublizar una anunciu nel New York Times a páxina completa y solicitúes de tiendes que viendan la playera.
Según Adbusters la iniciativa Black Spot Sneaker quier xugar col capitalismu nel so terrén y ganalu. Y tien tola pinta de que poles cifres qu'apaecen na so web va camín d'algamalo.
De toles maneres voces d'esti movimientu, incluyendo ún de los sos logos mediáticos, Naomi Klein, l'autora de No Logo, piensen que ye entrar na mesma dinámica que se critica y nun concuayen con esta estratexa "anticomercial".
Un debate perinteresante y un "ésitu aseguráu". Lo que ta claro ye qu'al pope de Nike, Phil Knight, nun-y debe prestar muncho la idea.
Unviao por sacabera a les 10:17 PM