Anuncies y opiniones dende la Izquierda asturiana |
|
|
Comentarios sobre l'actualidá d'Asturies y del mundu por persones venceyaes a Izquierda Asturiana (IAS)
http://www.ias.as
Los comentarios nun representen necesariamente los posicionamientos del partíu sinon de les persones que los escriben.
Mándanos los tos comentarios o aportaciones a contacta@ias.as
Archivu
|
23.9.04
AMANTES DE LA BASURA  Ente'l 9 y 11 d'ochobre van celebrarse n'Uvieu los XIX Alcuentros d'Amantes de la Basura, un puntu de referencia pa tolos grupos, entidaes y persones que trabayen pola reducción, reutilización y el reciclaxe de residuos urbanos.Estos Alcuentros vienen a espeyar n'Asturies el trabayu que se ta desenrollando nesti campu en dellos sitios del estáu. El retu ye, una vegada más, acoyer y asumir les esperiencies d'una xente que trabaya por algamar un mundu más habitable enfrentándose al productivismu/consumismu de la clase política dirixente que, tanto na derecha como na isquierda, siguen emperraos nesi peligrosu dogma llamáu crecimientu económicu. Lo que vien embaxo ye'l programa de les xornaes. PROGRAMA XIX ALCUENTRU D’AMANTES de la BASURA: UVIÉU – SERONDA 2004 Amantes de la Basura ye’l puntu d’alcuentru añal ente persones que por razones étiques, ambientales, profesionales y/o sentimentales, denunciamos el modelu de “usar y tirar” como orixe del problema de los residuos y desiximos YÁ respuestes polítiques, empresariales y sociales. Los Amantes de la Basura plantegamos la necesidá d’un avance urxente na aplicación de midíes de prevención de los residuos y una mayor axilidá, tresparencia informativa y participación ciudadana nel desarrollu de modelos a escala municipal y rexonal sofitaos nel amenorgamientu y la másima recuperación de los residuos. Tres 18 años d’alcuentros per otros puntos del territoriu estatal, esti añu celébrense n’Asturies: los Alcuentros son abiertos a toa persona o colectivu interesáu; si te consideres un “amante de la basura”, nun duldes en participar. PROGRAMA de LOS ALCUENTROS:Sábadu 9 d’ochobre: 9:00 Inauguración de los Alcuentros y repartu de documentación. 9:30 Panel d’Esperiencies n’Europa. Modera: Teresa Marcos (Ecoloxistes n’Aición-Madrid). 9:30 Esperiencies en Portugal. Xestión d’envases y residuos Rui Berkemeier. Quercus Portugal. 11:00 Xestión de residuos n’Europa. Representante de Gaia (Organización internacional de llucha escontra la incineración). 12:00 Descansu. 12:30 Propuestes modernes pa la xestión de residuos urbanos. Marco Ricci. Scuola Agraria del Parco di Monza. Italia. 14:00-14:30 Alderique. 17:00 Mesa redonda: Modelos de recoyida selectiva. Vamos tratar d’analizar non solo los ésitos sinón tamién les debilidaes de cada esperiencia, que nos puedan sirvir de puntu partida pa xenerar un alderique sobre la situación de la recoyida selectiva n’Asturies y demandar mayores progresos tanto nel modelu como nes estratexes y campañes. • Modelu de recoyida selectiva “portal a portal”. Ayuntamientu d’Uviéu. • Ameyoramientu d’estratexes pa la separtación n’orixe de residuos orgánicos.Esperiencies de recoyida “puerta a puerta”. Italia. Marco Ricci. Agraria del Parco di Monza. • Esperiencies de recoyida “puerta a puerta” en modelu vertical. Ayuntamientu de Vilassar de Mar. Cataluña. Pepe Roig i Boix, Conceyal de Mediu Ambiente, y Jordi Colomer, téunicu mediuambiental. • Esperiencies de recoyida selectiva y compostaxe en modelu “contenedor”. La recoyida selectiva na Mancomunidá de Montejurra-Nafarroa. Luis María Rodríguez. • Esperiencies de recoyida selectiva del modelu “Residu Minim”. CEPA (Centre d’Ecologie i Projects Alternatius). Cataluña. Joan Salabert. Domingu 10 d’ochobre: 10:00 Ferramientes y propuestes municipales p’avanzar nel amenorgamientu de los residuos. Centre d’Ecologie i Projects Alternatius. Cataluña. Joan Salabert. 11:30 Descansu. 12:00 Les tases y los impuestos como ferramientes pa favorecer l’amenorgamientu y el reciclaxe de residuos. ENT Mediu Ambiente y Xestión. Ignasi Puig. 16:30 Tratamientos de residuos aplicables a la frayadura biolóxica: residuos urbanos ya industriales. Departamentu I+D: Tratamientos biolóxicos. ROS ROCA (Lleida). Ramón Plana y Carlos Pérez. 18:30 Conceyu de Redes: (nes instalaciones del FUNDOMA). • Campañes d’educación ambiental y residuos. Coordina: Tandem, Xestión y Educación Ambiental. (València). • Rede d’alerta escontra la incineración. Coordina: (Ekologistak martxan – Bizkaia). Txelio Alcántara. Llunes 11 d’ochobre: 9:30 Mesa redonda: Tratamientu de residuos y xeneración d’emplegu. • Moderador: Andoni Romeo. Miembru d’AERESS y de REAS. Emaús Iruña. • Riquirraque Emaús Asturies. • Cogersa: Santiago Fernández, xerente. 10:30 Ellaboración de conclusiones de los Alcuentros. 12:30 Visita guiada pel Centru de Tratamientu de Residuos: COGERSA. 14:30 Pieslle de los Alcuentros. Espicha despidida. Información y soscripciones: www.ecoloxistes.org Teléfonu: 985 57 75 87 - 629 89 26 24 14.9.04
MUYERES MARCAES O COMPETITIVIDÁ ÜBER ALLES  Según denunció Lebensmittelzeitung, un selmanariu alemán especializáu en comerciu, , los supermercaos Lidl esixen llevar a les sos trabayadores de Chequia y Polonia una cinta nel pelo cuando tienen la reglapa que'l so xefe sepia que tienen el periodu y puedan dir al bañu n'hores de trabayu. Los otros y otres trabayadores nun tienen esi privilexu sacante les sos hores de descansu.Apocayá Lidl foi denunciáu por vender polvu de cacáu en Polonia que taba compuestu por namás un 30% de cacáu. Lo otro yera mayormente almidón. En Chequia amás Lidl tronzó más de 100 árboles ensin permisu pa qu'ún de los sos hipermercaos se viere bien dende la carretera. ¿MÍTINOS?¿CARTELES?... TV, MÚSICA YA INTERNET  La campaña electoral nos USA ye, evidentemente, dalgo más qu'una batalla ente dos candidatos con más o menos semeyadures. Son munches les analistes, intelectuales y ciudadanes y ciudadanos d'esti mundu que ven nesi procesu electoral bona parte de les posibilidaes de contruyir esi otru mundu posible nos próximos años. Pero tamién somos munchos y munches los que barruntamos una nueva victoria de los republicanos de Bush con tolo que ello supondría nel orde internacional (más guerres "preventives", más choque de civilizaciones, más homofobia, más ALCA... vs. menos Kioto, menos llibertaes cíviques, menos democracia...).El casu ye que tanto dientro como fuera de los USA un bon numberu de ciudadanos y ciudadanes faen por oponese a la previsible victoria de los 'neocons'. A lo que podr’emos llamar una concepción clásica de campaña electoral (mítinos, carteles, abrazos varios) tan sumándose-y otres formes de concibir l'acción política. Dende los documentales de Michael Moore, hasta la música de los Beastie Boys. Pero si hai un soporte que ta llevando un protagonismu tremendu, algamando cotes de creatividá hasta agora desconocíes ye internet. Dende PleaseVote podemos descargar carteles pa poner nes nuestres camisetes, o na nuestra web o pa rebotar a los collacios y collacies per e-mail. Tamién podemos destacar el Stop Bush Project, con un cientu d'imáxenes qu'espresen el sentimientu antibush en soportes bien distintos (dende señales de tráficu hasta flyers pansando per pancartes o grafittis).
|
Hai bayura de recursos d'esta triba na rede, pero tampoco ye aturrar al personal. Pero si hai dacual recursu on-line que nun tien desperdiciu ye'l